«Samuryq - Qazyna» qory stýdentter jataqhanasyn salýǵa kómektespek
ASTANA. Qazannyń 7-si. QazAqparat /Arman Asqarov/ - Kelesi jyly «Samuryq - Qazyna» Ulttyq ál-aýqat qory" AQ-nyń qatysýymen Astanadaǵy L. Gýmılev atyndaǵy Eýrazııa ulttyq ýnıversıtetiniń stýdentterine arnalǵan jańa jataqhana salynady.
Bul týraly búgin stýdentter qaýymymen kezdesken Eýrazııa ulttyq ýnıversıtetiniń rektory Baqytjan Ábdiraıym málim etti.
«Samuryq - Qazyna» qorynyń tóraǵasy Qaırat Kelimbetovpen júrgizilgen kelissózderdiń nátıjesinde biz stýdentterge arnalǵan jańa jataqhanany salýdy uıǵardyq. Qordyń qatysýymen jataqhananyń qurylysyn kelesi jylda bastaý josparlanyp otyr. Sondyqtan aldaǵy 1-2 jylda Eýrazııa ulttyq ýnıversıtetinde stýdentterdi jataqhanamen qamtamasyz etý máselesi tolyǵymen sheshiledi», - deıdi B.Ábdiraıym.
