«Samuryq-Qazyna» qory shyǵystaryn 337 mlrd teńgege ońtaılandyrady - Ó. Shókeev
Onyń ishinde ákimshilik shyǵystar 64 mıllıard teńge, al kúrdeli shyǵystar 240 mıllıard teńgeni quramaq. Búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte «Samuryq-Qazyna» Ulttyq ál-aýqat qory» AQ tóraǵasy Ómirzaq Shókeev osylaı málim etti.
Qor basshysy brıfıng barysynda Úkimettiń keńeıtilgen otyrysynda Elbasy júktegen tapsyrmalarǵa toqtala kele, daǵdarysqa qarsy sharalar aıasynda shyǵystardy ońtaılandyrýdyń ózektiligin atap ótti.
«Shyǵystardy ońtaılandyrý máselesine kelsek, 2015 jyly kompanııalar tobynyń aǵymdaǵy shyǵystaryn byltyrǵy Dırektorlar keńesi bekitken jospardan 337 mıllıard teńgege qysqartatyn bolamyz. Onyń 17 paıyzy nemese 64 mıllıard teńgesi ákimshilik shyǵystar bolsa, 18 paıyzy nemese 240 mıllıard teńgesi kúrdeli shyǵystar», - dedi Qor tóraǵasy.
Sonymen qatar, Ó. Shókeev qysqartý jumysy meılinshe kúrdeli bolyp tabylatyn úlken kompanııalar aıasynda birshama sharalar atqarylǵanyn da atap ótti. Máselen, «QazMunaıGaz» ulttyq kompanııasynyń menedjmenttik shyǵystary aǵymdaǵy jyly 134 mıllıard teńgege ońtaılandyrylady. Al «Qazaqstan temir joly» UK» AQ bıýdjeti 84 mıllıard teńgege qysqartylmaq.
«Munshalyqty qarajatty qysqarta turyp, jumys nátıjesin saqtaý asa kúrdeli sharýa. Degenmen, aǵymdaǵy shyǵystar boıynsha óndiristegi qyzmetkerlerdiń jalaqysy saqtalady, bıýdjetke mindetti salyqtar da tólenedi, ózge de áleýmettik qoldaýlar sekildi baptar qalpynda qalady», - dedi Ó. Shókeev.
