«Samuryq-Qazyna» qory «QazTransGaz» jáne «QazTransOıl» kompanııalaryn biriktirýdi usyndy

ASTANA. QazAqparat - Bolashaqta «QazTransGaz» jáne «QazTransOıl» kompanııalaryn biriktirý kerek. Bul týraly búgin Aqordada Memleket basshysy Nursultan Nazarbaevtyń tóraǵalyǵymen ótip jatqan Úkimettiń keńeıtilgen otyrysynda «Samuryq-Qazyna» AQ basqarma tóraǵasy Ómirzaq Shókeev málim etti.

«Meniń oıymsha, qazirgi kezde «QazMunaıGaz» quramynda eki qubyr kompanııasyn ustaý orynsyz, sondyqtan «QazTransGaz» jáne «QazTransOıl» kompanııalaryn bolashaqta biriktirýdi usynamyn. Sonymen birge qyzmettiń ózge túrlerine baılanysty shyǵystar bólek eseptelip, tasymaldaý boıynsha tarıfterge túspes úshin gazdy satý máselelerin bólek kompanııada toptaý qajet», - dedi Ó.Shókeev. Osy oraıda ol bul baǵyttaǵy birigý kezinde halyqtyq ІRO-ǵa shyǵarylǵan «QazTransOıl» aktsııalary boıynsha suraq týyndaıtynyn aıta kele «Biz bul aktsııalardy mınorıtarlyq aktsıonerlerdiń quqyqtaryn saqtaı otyryp birikken kompanııanyń aktsııalaryna transformatsııalaýdy usynymyz», - dedi.