«Samuryq-Qazyna» qory qazaqtardyń shetelderde ótkiziletin Kishi quryltaılaryna qoldaý kórsetetin bolady – Memleket basshysy
ANA. 25 mamyr. QazAqparat /Qanat Mámetqazyuly/ - «Samuryq-Qazyna» Ulttyq ál-aýqat qory qazaqtardyń shetelderde ótkiziletin Kishi quryltaılaryna qoldaý kórsetetin bolady.
Búgin Astanadaǵy Táýelsizdik saraıynda ótip jatqan Dúnıejúzi qazaqtarynyń IV Quryltaıynda sóılegen sózinde QR Prezıdenti - Dúnıejúzi qazaqtary qaýymdastyǵy Tóralqasynyń tóraǵasy Nursultan Nazarbaev osylaı málimdedi.
«Biz shetelderdegi Kishi quryltaılardyń ótkizilýin quptaımyz. Osyǵan baılanysty, bul quryltaılarǵa «Samuryq-Qazyna» Ulttyq ál-aýqat qory qoldaý kórsetetin bolady. Qazaqstan dúnıedegi ár qazaqtyń qasterli qubylasy. Qazaqstan - álemdegi barsha qazaqtyń qutty qara shańyraǵy. Qazaq balasy dúnıeniń qaı túkpirinde júrse de, qazaq halqynyń bir bólshegi ekenin umytpaýy kerek»,-dedi Elbasy.
