«Samuryq-Qazyna» qory «Halyqtyq ІRO» baǵdarlamasyna shyǵatyn kompanııalar sanyn qysqartýy múmkin
ASTANA. 7 aqpan. QazAqparat - «Samuryq-Qazyna» Ulttyq ál-aýqat qory» AQ «Halyqtyq ІRO» baǵdarlamasyna bıyl shyǵatyn kompanııalar sanyn qysqartýy múmkin. Bul týraly búgin Astanada ótken brıfıngte atalǵan qor basqarma tóraǵasynyń orynbasary Qýandyq Bıshimbaev málim etti.
Aldyn ala tizim boıynsha, 2013 jyly qundy qaǵazdar naryǵynaa «KEGOC» AQ, «Qazteńiztransflot» AQ, «Samuryq-Energo» AQ jáne «QazTransGaz» AQ kompanııalarynyń aktsııalary shyǵarylmaq.
«Aktsııalardy ornalastyrýǵa ótimdilik pen jeke tulǵalardyń qaýqarlyǵyn eskere otyryp baǵyt alý úshin biz qazir Úkimetke usynystar engizýdemiz. Premer-Mınıstr 1 toqsanda «Halyqtyq ІRO» baǵdarlamasyna «KEGOC» AQ shyǵatynyn aıtty. Atalǵan kompanııalardyń ishinde qaısysy ekinshi jartyjyldyqta qundy qaǵazdar naryǵyna shyǵatyny áli qarastyrylyp jatyr. Sonymen qatar IPO-ǵa shyǵatyn kompanııalardy qysqartý nusqasy da qaralýda»,-dep túıdi ol.
