«Samuryq-Qazyna» qory «Halyqtyq IPO» baǵdarlamasynyń resmı saıtyn iske qosty
ASTANA. 9 mamyr. QazAqparat - Qazaqstannyń qor naryǵynda aktsııalardyń aýqymdy túrde jáne sátti ornalastyrylýy úshin halyq arasynda baǵdarlamanyń basymdyqtary týraly aqparattyq-túsindirý jumystary júrgizilip jatyr,
dep habarlaıdy pm.kz saıty
«Halyqtyq IPO júıesi arqyly qazaqstandyqtar elimizdiń strategııalyq aktıvteriniń ıeleri bola alady. Halyqqa bunyń ne ekenin túsindirý kerek. álemdik deńgeıde jumys isteıtin iri ulttyq kompanııalardyń aktsııalaryn satyp alý arqyly bizdiń azamattarymyz óz elimizdiń baılyǵyna ıe bolyp, tabys taba alady», - dedi Elbasy N.Nazarbaev «Nur Otan» Halyqtyq-demokratııalyq partııasynyń XIV sezinde.
«Samuryq-Qazyna» Qorynyń aqparatyna súıensek, qazir «Halyqtyq IPO» logotıpi jáne Baǵdarlamanyń «Halyq aktsıoneri bol» urany ázirlendi. Baǵdarlamanyń sall-ortalyǵy iske qosyldy. Aptanyń ár kúninde, demalyssyz táýlik boıy halyq úshin «jedel baılanys» (8-800-080-50-70) tegin telefon jelisi jumys isteıdi. Kez kelgen adam baǵdarlama boıynsha orys jáne qazaq tilderinde ózin qyzyqtyrǵan aqparat ala alady.
«Sall-ortalyǵy jumys istegen kezeńnen bastap 300-den astam ártúrli suraqtar kelip tústi. Baǵdarlamaǵa ázirshe Almaty (55%), Astana (10%), Aqtóbe (6%) jáne Atyraý (5%) qalalarynyń turǵyndary belsendi qatysýda», - dedi ol.
Baǵdarlamanyń resmı veb-saıty ashylǵanyn aıta ketý kerek. Saıttyń ǵalamtordaǵy meken-jaıy www.halyk-ipo.kz . Onda Baǵdarlama týraly ózekti jańalyqtar, suhbattar, otandyq jáne sheteldik sarapshylardyń kommentarııleri, ІRO-ǵa arnalǵan taldamalyq zertteýler jáne qatysýshy-kompanııalardyń qyzmetteri jarııalanǵan
Sonymen qatar, 2012 jylǵy 15 sáýirden bastap Qordyń negizgi enshiles jáne táýeldi kompanııalarynyń, qazaqstandyq qor bırjasynyń, jergilikti atqarýshy organdardyń ınternet resýrstarynda, sondaı-aq respýblıkalyq jáne óńirlik BAQ-tardyń veb-saıttarynda Baǵdarlama týraly aqparat jazylǵan veb-bannerler ornalastyryldy.
Osy aqparattyń halyq arasynda keńinen taraýy úshin aımaqtardaǵy qoǵamdyq pikir kóshbasshylarynan quralǵan «spıkerler» ýaqytsha birlestik qurylǵan. Barlyǵy 660 adam daıarlanbaq. Spıkerler barlyq óńirlerdiń eńbek ujymdarynda, onyń ishinde aýyldyq jerlerde 311 oqytý lektsııalaryn jáne 980 kóshpeli tanystyrylymdar júrgizedi dep josparlanǵan. Aktsııalar ornalastyrylǵan kezde «Qazposhta» AQ-nyń 3 myńnan astam qyzmetkeri osy jumysqa tartylady.
