«Samuryq-Qazyna» qory elimizde tuńǵysh ret WOW-sall joǵary tehnologııaly marketıngtik quraldy iske qosty

Qyzmet jastarǵa arnalǵan «Innovatsııalyq Qazaqstan» ıdeıalar konkýrsyn alǵa jyljytý aıasynda qoldanylýda, dep habarlady qordyń baspasóz qyzmetinen.

WOW-call bir onlaın jobada ınternet pen uıaly telefonnyń múmkindikterin sabaqtastyrady. Konkýrstyń resmı saıtyna (www.i-kaz.kz ) qatynaýshy «Allo, biz ıdeıalar izdestirýdemiz!» batyrmasyn basqan kezde, promo-betke aýysady, ol jerde oǵan esimi men telefonynyń nómirin engizý usynylady. Sodan keıin ol «Samuryq-Qazyna» UÁQ AQ Innovatsııalyq saıasat departamentiniń dırektory Ermek Saqyshevtyń ıdeıalar konkýrsy jáne qordyń bastamalary týraly úndeýi jazylǵan beınerolıkti kóre alady. Tanystyrylym barysynda qoldanýshy kórsetken nómirge telefon soǵylady, jáne de ol telefondy kóterse, Ermek Saqyshevtyń oǵan arnalǵan jeke úndeýin endi telefonnan estıdi.

Konkýrs uıymdastyrýshylary ınternet resýrstaryn belsendi qoldanatyn jastar qaýymymen habarlasý úshin WOW-sall ınnovatsııalyq ári tıimdi qural bolady dep senedi.

http://wowcall.i-kaz.kz beınerolıkke silteme áleýmettik jeliler arqyly da taratylady. Bul qyzmet qoldanýshylar úshin tegin.

Esterińizge sala keteıik, jastar arasyndaǵy «Innovatsııaly Qazaqstan» respýblıkalyq ıdeıalar konkýrsyn 2011 jylǵy qyrkúıekte «Samuryq-Qazyna» ulttyq ál-aýqat qory iske qosty. Qor «Tehnologııalyq serpin» jáne «Áleýmettik ıdeıalar» degen 2 negizgi atalym boıynsha jastardyń bastamalaryn anyqtap, olarǵa qoldaý kórsetýge umtylady. Konkýrstyń aqtyq máresine jetken 10 adam «Samuryq-Qazyna» UÁQ kompanııalar tobyna jumys isteýge múmkindik alady. Al jeltoqsanda anyqtalatyn konkýrstyń eki jeńimpazy bilim berý grantyn ıelenedi. Jeńimpazdar ózderiniń qalaýy boıynsha shetelde tildik kýrsta, ǵylymı dáreje taǵaıyndaýsyz sheteldik JOO-da oqı alady, nemese otandyq ne bolmasa sheteldik kompanııada ǵylymı-óndiristik tájirıbeden óte alady. 18 qazandaǵy jaǵdaı boıynsha konkýrstyń qabyldaý komıssııasyna Qazaqstannyń búkil aýmaǵynan 441 ótinim kelip tústi. Ótinimderdiń jartysy derlik Ońtústik Qazaqstan oblysynan jiberilgen.