Samuryq-Qazyna» qory «Astana» veloklýbynyń jańa demeýshisi
ASTANA. Qazannyń 23-i. QazAqparat /Ernur Aqanbaı/ - «Samuryq-Qazyna» Ulttyq ál-aýqat qory» AQ «Astana» veloklýbynyń jańa demeýshisi atandy.
Osylaısha Qazaqstannnyń velosport federatsııasy Halyqaralyq velosıpedshiler odaǵyna (UCI) «Astana» komandasynyń ProTýrǵa qatysýǵa lıtsenzııasyn uzartýdy qamtamasyz etetin qarjylyq turaqtylyq týraly kepildeme berip otyr, dep habarlaıdy QazAqparat «Bizdiń sport» saıtyna silteme jasap.
«Qazaqstannyń velosport federatsııasy «Qazyna-Samuryq» qorymen kelisimshartqa otyrdy. Endi qor bizdiń jańa demeýshimiz. Komanda tyǵyryqqa tirelgen edi, endi jaǵdaıy túzeldi. Memlekettik qordyń ókilderi bizdiń komandany qarjylandyrý olar úshin problema týǵyzbaıtynyn aıtty», degen «Bizdiń sport» saıtyna bergen suhbatynda Qazaqstan velosport federatsııasynyń vıtse-prezıdenti Nıkolaı Proskýrın.
