«Samuryq-Qazyna» qory Almatyda Investor kúninde 19 kásiporyndy tanystyrady
«Samuryq-Kazyna» qory Qazaqstan Úkimeti bastaǵan jekeshelendirý baǵdarlamasy aıasynda mańyzdy ról atqarady. Bul úlken jaýapkershilik, jáne osy aýqymdy mindetti oryndaý jolynda qazaqstandyq ınvestorlar belsendilik tanytady degen úmittemiz, - dep sanaıdy Qordyń basqarma tóraǵasy Ómirzaq Shókeev. - Úzdik álem tájirıbesine sáıkes biz jekeshelendirýge jatatyn aktıvterdiń úshten eki bóligin jergilikti ınvestorlar men birlesken kásiporyndarǵa, al qalǵanyn sheteldik ınvestorlarǵa tapsyrýdy kózdeımiz. Qor jáne qorjyndyq kompanııalardyń basshylyǵy Almatyda ınvestıtsııalyq qaýymdastyq nazaryna jekeshelendirý tizimindegi áleýetti ınvestorlardy tartýǵa daıyn jáne óz salalarynda biregeı iri jáne orta kompanııalardy usynady».
Al qordyń aktıvterdi ońtaılandyrý jónindegi basqarýshy dırektory Berik Beısenǵalıev atap ótkendeı, jekeshelendirýge qatysty jumys biryńǵaı prıntsıpterge negizdelgen.
«Biz ekonomıkanyń resýrstyq sektorlaryndaǵy kompanııalarymyzda aktsııalardyń baqylaý paketin saqtaýdy josparlap otyrmyz. Mundaı kompanııalar aktsııalarynyń 25 paıyzy ǵana satýǵa shyǵarylady. Al ekonomıkanyń resýrstyq emes sektorlaryndaǵy kompanııalar boıynsha Qor baqylaý úlesin satý múmkindigin qarastyra alady. Biz mınorıtarlyq ıelenýshilerdi Dırektorlar keńesiniń quramyna engizbekpiz. Buǵan qosa naryqqa shyǵarylǵan aktsııalardyń paketi tıisti tólempazdyqqa ıe bolýy tıis. Biz aktıvterdi operatsııalyq jáne qarjy úrdisterin jaqsartý kómegimen saýdaǵa daıyndaımyz. Ásirese korporatıvtik basqarý talaptaryn saqtaý mańyzdy. Olardy tek saqtap qana qoımaı, basshylyq pen majorıtarlyq aktsıonerlerdiń sanasyna da engizý qajet. Dırektorlar keńesi táýelsiz, sheshimderdi qabyldaý jáne menedjmenttiń Dırektorlar keńesi aldyndaǵy esep berý úrdisi jarııaly bolýy tıis. Biz menedjmenttiń kásibı sheberligine muqııat kóńil bólemiz. Kompanııalardaǵy jetekshi laýazymdarǵa úmitkerler tıisti salalarda tájirıbesi bar, naryqqa beıimdelgen, kásibıligi asa joǵary mamandar qatarynan irikteledi», - deıdi ol.
Almatyda ótetin «Investor kúni» barysynda Qordyń qorjyndyq kompanııalarynyń («Qazaqstan Temir Joly» UK» AQ, «QazMunaıGaz» UK» AQ, «Qazatomónerkásip» UAK» AQ, «Samuryq-Energo» AQ) basshylary, sondaı-aq baǵdarlama sheńberinde satylatyn kompanııalardyń jetekshileri baıandama jasaıdy.
Olardyń qatarynda jyldyq júk aınalymy 15 mln tonnaǵa jetetin, qurǵaq júkterdi, shıki munaı men munaı ónimderin halyqaralyq dárejede tasymaldaıtyn Qazaqstannyń jalǵyz teńiz porty - Aqtaý halyqaralyq teńiz saýda porty bar.
