«Samuryq-Qazyna» qory áleýmettik janjaldardyń aldyn alý kartasyn jasady
Bul týraly búgin Astanada RIA jańalyqtarynda ótken beıne baspasóz máslıhaty barysynda «Samuryq-Qazyna» janyndaǵy Áleýmettik áriptestik ortalyǵynyń jetekshisi Nurlan Erimbetov málim etti.
N.Erimbetovtyń aıtýynsha, atalmysh kartada jumyskerlerdiń áleýmettik kóńil-kúıin anyqtaıtyn 50 ındıkator bar.
«Biz qazir áleýmettik-eńbek shıelenisterin anyqtaýdyń resmı emes kartasyn jasadyq. ıAǵnı ol 50 ındıkator boıynsha jumyskerlerdiń áleýmettik kóńil-kúıin anyqtaıtyn áleýmettik janjaldarǵa monıtorıng jasaý kartasy bolyp otyr. Sol ındıkatorlar boıynsha biz jumyskerlerdiń árbir qadamyn baǵamdaı alamyz. Ol úıden qashan shyqty, jumysqa neshede barady, qaıda demalatynyn ólsheımiz, kimmen sóılesedi, ýaqytty qalaı ótkizedi, tamaqtanýy, sonymen qatar belgili bir aımaqtaǵy baǵalardy zerdeleımiz», - deıdi ortalyq basshysy.
Onyń habarlaýynsha, basty baǵyt - qorǵa qarasty kompanııalarda eńbek etetin jumysshylardyń áleýmettik jaǵdaıyn jaqsartý. Bul jerde negizgi salmaq Áleýmettik ortalyqqa túspek.
«Ortalyq Prezıdent Ákimshiligimen, Úkimet basshysynyń keńsesimen birge jumys istep, áleýmettik janjaldardyń aldyn alýdyń kartasy arqyly erteń qaıda dúmpý bolatynyn, qaıda tynysh uıyqtaý nemese qaı jerde úlken máselemen aınalysý kerektigin boljaı alady», - dep atap ótti N.Erimbetov.
