"Samuryq-Qazyna" Qory áleýmettik turaqtylyqtyń kartasyn jasady
"Búgingi tańda biz áleýmettik turaqtylyqtyń kartasyn jasadyq. Qazir biz kez kelgen monoqalaǵa, kásiporynǵa dıagnoz qoıa alamyz. Ózimiz daıyndaǵan kórsetkishter arqyly biz belgili bir ujymdaǵy kóńil kúı "temperatýrasyn" jasaýǵa múmkindigimiz bar. Adamnyń jumystan keıingi, óndiris ústindegi kóńili, otbasy jaǵdaıy, onyń jumystan bos ýaqyty, qaýipsizdik tehnıkasy, jalaqysy, bazardaǵy baǵalar, tarıfterdiń quny syndy ındıkatorlardy qamtıtyn 40 kórsetkish jasaldy. ıAǵnı biz adamnyń kóńil kúıine áser etetin ındıkatorlardy aldyq. Tipti jumystan keıin jumysshy sektaǵa ma nemese balalarymen klýbqa barady ma, nemen shuǵyldanady, aqshasyn qaıda jumsaıdy, nesıe aýyrtpalyǵy bar ma degen máselelerdiń ózin eskeremiz. Biz buryńǵydaı jalaqy jáne eńbek jaǵdaı degen júıeden kettik, biz endi jumysshynyń barlyq ómirin qamtımyz. Osylaısha áleýmettik kóńil kúıge baǵa beremiz. Sebebi máselemen kúrespeý qajet, ony aldyn alýǵa tıispiz", - dedi N.Erimbetov.
Onyń aıtýynsha, sońǵy Jańaózendegi oqıǵadan keıin bunyń mańyzdylyǵy artyp otyr.
Eske sala keteıik, "Samuryq-Qazyna" kompanııalarynyń salalyq menedjerleriniń tuńǵysh forýmy búgin Astanada ótip jatyr. Onyń aıasynda barlyq ulttyq kompanııalardyń basqarma tóraǵalary, sonyń ishinde "Qazaqtelekom" AQ, "Eır Astana" AQ, "QazAtomÓnerkásip" UQ, "QazMunaıGaz" UQ, "Qazaqstan temir joly" AQ syndy kompanııalardyń jetekshi menedjerleri qatysyp, áleýmettik jańǵyrý máselelerin talqydan ótkizbek.
