«Samuryq-Qazyna» qory 2010 jyly bankterdi qoldaýdyń júıeli sharalaryn júzege asyrady

Bul jaıynda búgin Úkimet otyrysynyń barysynda atalmysh Qordyń baspasóz qyzmeti taratqan materıalda aıtylǵan, dep habarlaıdy QazAqparat.

«Qarjy sektoryn damytýdyń jańa tujyrymdamasyna sáıkes, turaqsyzdyq faktorlary men daǵdarys kezinde oryn alǵan kemshilikterdi boldyrmaý úshin jaǵdaılar jasalynǵan. Bul úshin korporatıvti basqarý, táýekel-menedjment jáne baqylaý júıeleri engiziledi. Bankterdiń nesıelik qorjyndaryndaǵy qaryz úlesin azaıtý jónindegi sharalar men nesıelerdiń qaıtarymdy bolýyn arttyrý jumystary júrgiziledi. Bankterdiń depozıttik bazasyn arttyrýǵa qatysty jumystar jandandyrylady, ol úshin jeke, zańdy tulǵalardyń qarjysyn tartý, buǵan qosa elde jumys istep jatqan sheteldik kompanııalardyń depozıt ashýyna úlken mán berilmek», delingen taratylǵan materıalda.

Baspasóz qyzmetiniń málimetinshe, «Samuryq-Qazyna» qory júıe qurýshy bankterdiń kapıtalynan shyǵý jáne buǵan deıingi salynǵan ınvestıtsııalardyń qaıtarymdy bolýy úshin strategııalyq ınvestor izdeýdi jalǵastyratyn bolady. Bul memlekettik tikeleı áserdi sál azaıtyp, jeke bastamalardyń ári qaraı sol baǵyt boıynsha jumys isteýine yqpalyn tıgizedi. Munan ózge, Prezıdenttiń tapsyrmalaryna baılanysty bankterdiń óz sharýasyna qatysy joq jumystarmen aınalyspaýy úshin birikken qarjylyq ınstıtýttar qurý arqyly bankterdegi lızıng pen saqtandyrý fýnktsııalaryn bankterden bólip alý josparlanyp otyr.