«Samuryq-Qazyna» kompanııalar toby ózderiniń strategııalaryn Qor strategııasymen sáıkestendirýleri kerek - Ó. Shókeev
Basqarma basshysynyń aıtýynsha, Dırektorlar keńesi - bul aktsıoner múddesin qorǵaıtyn jáne olardyń aldyna júktelgen tapsyrmalardy oryndaıtyn birden bir organ bolyp tabylady.
«Sony eskersek, aktsıoner retinde biz kompanııa qyzmeti men damytý jóninde dırektorlar keńesiniń aldyna júktelgen talaptardy kótere alamyz. Munda men tek táýelsiz dırektorlar týraly ǵana aıtyp otyrǵan joqpyn, sonymen qatar dırektorlar keńesiniń quramyna kiretin qor ókilderi týraly da aıtyp otyrmyn», deıdi Ó. Shókeev.
Sonymen qatar, Basqarma tóraǵasy atqarylǵan sharalarǵa toqtala kele, aǵymdaǵy jartyjyldyqtyń basty oqıǵasy retinde Qordyń damý strategııasynyń el Prezıdenti jáne Úkimeti tarapynan bekitilgenin atap ótti. Al ondaı strategııalyq josparlardy júzege asyrýǵa barlyq alǵysharttar, onyń ishinde «Ulttyq ál-aýqat qory týraly» jańa zań da qabyldanyp, Úkimet pen kelisimsharttar da jasalǵan.
Osyǵan oraı, Ó. Shókeev qor tobyna enetin barlyq kompanııalarǵa olardyń strategııalaryn Qordyń qabyldaǵan strategııasymen sáıkestendirý mindeti júktelgenin atap ótti. «Samuryq-Qazyna» kompanııalar dırektorlar keńesimen jumysty jańa formatta bastaýdy josparlap otyr. Onyń ishinde aktsıonerlerdiń jalpy jınalysy formatynda Qordy basqarýǵa qatysty tyńdaýlar júrgizilý kózdeledi», - deıdi Ó. Shókeev.
