«Samuryq-Qazyna» qazaqstandyq qamtýdy 55 paıyzǵa jetkizedi

TANA. 18 qarasha. QazAqparat /Arman Asqarov/ - «Samuryq-Qazyna» ulttyq ál-aýqat qory satyp alýdyń qazaqstandyq mólsherin 55% deıin jetkizýdi josparlap otyr.

Jalpy, aǵymdaǵy jyldyń toǵyz aıy ishinde «Samuryq-Qazyna» qory kompanııalary 3 trln. 430 mlrd. teńgeni quraǵan kelisimsharttardy rásimdedi. Onyń aıasynda qazaqstandyq qamtýdyń deńgeıi 49 paıyzǵa deıin jetti. Endi, «Samuryq-Qazyna» kompanııasy bul kórsetkishti 55 paıyzǵa deıin kóterýdi josparlanyp otyr.

2011 jylǵy 9 aıdyń qorytyndysy: «QazMunaıGaz» UK" AQ (satyp alý somasy shamamen 1,5 trln. teńgeni qurady, qazaqstandyq qamtý - 47%), «Qazaqstan temir joly» UK AQ (1,4 trln. teńge, qazaqstandyq qamtý - 48%), «Samuryq-Energo» AQ (227 mlrd. teńge, qazaqstandyq qamtý - 75%), «Qazatomónerkásip» UAK» AQ (160 mlrd. teńge, qazaqstandyq qamtý - 46%) jáne«Qazaqtelekom» AQ (37 mlrd. teńge, qazaqstandyq qamtý - 55%).