«Samuryq-Qazyna» kásipkerlerden satyp alýlardy 300 mlrd teńgege ulǵaıtady
Úkimet úıinde ótken baspasóz máslıhatynda ol holdıngtiń satyp alý júıesin jetildirý, júıelendirý, shaǵyn jáne orta bıznes ókilderiniń osy júıege qatysýyn jeńildetý sharalaryna toqtaldy. Jalpy onyń sózine qaraǵanda, satyp alý júıesinde birqatar eleýli ózgerister bar. Máselen, holdıng ishindegi satyp alýlar ońtaılandyrylyp, marketıng júıesi engiziledi. Aldyn ala biliktilikten ótý rásimderi jeńildetilip, shaǵymdaný organy qurylady. Satyp alýlarǵa baqylaý kúsheıtilip, elektrondy júıeniń jańa formasy engiziledi.
«Búginge deıin holdıng ishinde satyp alýlar 4,5 myń pozıtsııa arqyly júrgiziletin. Bul degenimiz holdıng ishindegi kompanııalar kez kelgen taýardy, ónimdi nemese qyzmetti bir-birinen satyp alatyn. ıAǵnı, shaǵyn jáne orta bıznes ókilderiniń qatysýyna múmkindik berilmegen. Biz 4,5 myń pozıtsııanyń árqasysyn qarap shyǵyp, 10 ese qysqarttyq. Búginnen bastap holdıng ishindegi satyp alý pozıtsııalary 424-ke deıin azaıdy. Osy arqyly shaǵyn jáne orta bızneske qosymsha 300 mlrd teńgege tapsyrys berý múmkindigi týyp otyr», - dedi ol.
Onyń aıtýynsha, atalǵan 424 pozıtsııa boıynsha holdıng marketıng júrgizip otyrady.
«Biz kórsetiletin qyzmettiń, satyp alynatyn taýardyń naryqtaǵy baǵasyna taldaý jasaımyz jáne satyp alý kezinde sol baǵadan aspaýyn qatań baqylaımyz. Boljamymyzǵa sáıkes, osy áreketimizdiń ózi bólingen qarjyny 10 paıyzǵa deıin únemdeýge múmkindik beredi. Al aldyn ala baǵalaýdyń biliktilik rásimi 2013 jyldan bastap engizilgen jáne búgingi kúni óziniń tıimdiligin kórsetti. Degenmen, kemshilikteri de boldy. Máselen, tenderge qatysýshy shaǵyn jáne orta bıznes ókilderi holdıng tarapy usynǵan 168 suraqqa jaýap berýi tıis edi. Endigi ýaqytta holdıng atalǵan suraqtardyń sanyn 76-ǵa deıin azaıtyp otyr. Bul konkýrsymyzǵa qatysatyn áleýetti taýar óndirýshilerdiń ýaqytyn únemdeýge múmkindik beredi jáne belgili bir deıgeıde bıýrokratııalyq máselelerdi de azaıtýǵa septigin tıgizedi»,- dedi Álisher Pirmetov.
