«Samuryq-Qazyna» holdıngi qurylymdaryn ońtaılandyrýdyń barlyq nusqalary qaralady

ASTANA. 16 qańtar. QazAqparat - «Samuryq-Qazyna» ulttyq ál-aýqat qory basqarmasynyń tóraǵasy Ómirzaq Shókeev «Komersant» («Ъ») basylymyna bergen suhbatynda holdıng qurylymdaryn ońtaılandyrý nusqalary jaıynda áńgimeledi.

«Óz ýaqytynda «QazMunaıGaz» Barlaý óndirý» kompanııasy arqyly naryqta jańa kompanııanyń úlesin keıinnen satý jolymen keri qaıtaryp alý nusqasy qarastyryldy. «QazMunaıGaz» Barlaý óndirý» aktsııasy qazirgi ýaqytta erkin aınalymda bolǵandyqtan keri qaıtaryp alý joly arqyly biriktirý nusqasy jaramsyz boldy. Bul jaqsy ıdeıa. Jalpy, taıaý arada biz «Samuryq-Qazyna» holdınginiń barlyq qurylymdaryn, onyń ishinde «QMG»-da ońtaılandyrýdyń barlyq nusqalaryn qaraımyz. Eger de jekelegen bólimsheler qyzmetiniń qaıtalanýy nemese tıimdiligi men qajettiligi kúmán týdyratyndaı faktiler bolsa, onda biz ondaı qurylymdardy qysqartamyz ne bolmasa biriktiremiz», - dedi Ó.Shókeev.