«Samuryq-Qazyna-Farmatsııa» JShS 2011 jylǵa arnalǵan dárilik zattar men medıtsınalyq maqsattaǵy buıymdardy satyp alý boıynsha jeńimpazdardy anyqtady
ASTANA. Qazannyń 19-y. QazAqparat - Biryńǵaı dıstrıbıýtor «Samuryq-Qazyna-Farmatsııa» JShS 2011 jylǵa arnalǵan dárilik zattar men medıtsınalyq maqsattaǵy buıymdardy satyp alý boıynsha farmatsevtıkalyq kompanııalar arasynda jeńimpazdardy anyqtaý jónindegi qorytyndylardy júrgizýdi aıaqtady, dep habarlaıdy kompanııanyń baspasz qyzmeti.
Tegin medıtsınalyq kómektiń kepildendirilgen kólemi aýqymynda dárilik zattardyń 646 ataýyn satyp alýǵa 40,3 mlrd. teńge bólindi. 24 mlrd.teńge somaǵa 370 lot eki kezeńdik rásim jolymen satyp alyndy, munda birinshi kezeńde tenderlik ótinimniń qoldanystaǵy zańnamanyń kórsetilgen talaptaryna sáıkestigi tekseriledi, al ekinshi kezeńde aýktsıon qaǵıdaty boıynsha tómendetýge arnalǵan eń tómengi baǵa anyqtalady. Qalǵan 276 lot boıynsha satyp alý bir kózden júrgiziletin bolady. Bıýdjettik qarajatty únemdeýdiń 2010 jylǵy salystyrmaly baǵasy 2 mlrd.-tan astam teńgeni qurady (2009 jylmen salystyrǵanda 6 mlrd. teńgege artyq).
6,5 mlrd.teńge somaǵa 142 lot boıynsha otandyq óndirýshiler jeńimpaz bolyp tanyldy.
«SQ-Farmatsııa» JShS Marketıng jáne damý departamentiniń dırektory Arnur Nurtaev atap kórsetkendeı, aıyrmashylyǵy ótken jyly tenderdiń jeltoqsanda ótkizilgeni, bıylǵy jyly satyp alý rásimi 2 aı erte ótkizildi, bul aǵymdaǵy jyldyń jeltoqsanynda Biryńǵaı dıstrıbıýtordyń qoımalaryna dárilik zattar men medıtsınalyq maqsattaǵy buıymdardy jetkizýge múmkindik beredi.
