«Samuryq-Qazyna» dúnıejúzi boıynsha «SOS Balalar aýyldarynyń» tarıhyndaǵy rekordtyq somanyń kómegin kórsetti
Bul týraly QR Prezıdenti janyndaǵy Ortalyq kommýnıkatsııalar ortalyǵynan habarlady.
Qujatqa «Samuryq-Qazyna» aktsıonerlik qoǵamynyń basqarýshy dırektory Darhan Qaletaev, «SOS Kinderdorf International» halyqaralyq qorynyń prezıdenti Sıttarta Kol, «SOS Qazaqstannyń Balalar aýyly» qory Qamqorshylar keńesiniń tóraǵasy Alekseı Volkov jáne «SOS Qazaqstannyń Balalar aýyly» qorynyń dırektory Batyrhan Jenalaev qol qoıady.
«Samuryq-Qazynamen» yntymaqtastyq ornatqanymyzǵa birneshe jyldyń júzi boldy. 2011 jyly kompanııanyń qoldaýymen elimizdegi barlyq úsh «SOS Balalar aýyly» kompıýterlik qyzmet kórsetýler men jabdyqtardyń shyǵyndaryn óteı aldy. 2012 jyly "Samuryq-Qazyna» bólgen 12,5 mln. teńge aqsha Temirtaýdaǵy «SOS Balalar aýylyndaǵy» úılerdiń shatyrlaryn jańartýǵa jumsaldy. Bıyl kompanııa dúnıejúzi boıynsha «SOS Balalar aýyldarynyń» tarıhyndaǵy rekordtyq somanyń - 200 mln. teńgeniń kómegin kórsetti. Qol qoıylǵaly otyrǵan memorandým bizdiń uzamerzimdik yntymaqtastyǵymyzdyń nátıjeli jalǵasy bolyp tabylady», - deıdi «SOS Qazaqstannyń Balalar aýyly» qorynyń dırektory Batyrhan Jenalaev.
Qujatqa qol qoıý rásiminen keıin «Astana SOS Balalar aýylynda» jas tárbıelenýshilerdiń kúshimen daıyndalǵan shaǵyn kontsert ótedi jáne «Dostyq alleıasyna» aǵashtar otyrǵyzylady. Odan keıin balalardyń tilek-armandary jazylǵan áýe sharlary aspanǵa ushyrylatyn bolady.
SOS Balalar aýyldary - 60 jyldan beri álemniń 132 elinde balalardyń múddeleri men quqyqtaryn qorǵaýmen aınalysyp kele jatqan memlekettik emes áleýmettik uıym. Qazaqstandaǵy Balalar aýyldary 20 jyldan beri jumys istep keledi. Olar ata-ananyń qamqorlyǵynsyz qalǵan balalarǵa pana berip qana qoımaıdy, sonymen birge áleýmettik jetimdiktiń ósýine jol bermeý úshin otbasylardy saqtap qalýǵa kómektesedi.
