Samuryq-Qazyna COVID-19 vırýsyna qarsy vaktsınanyń 1 mln dozasyn satyp aldy

NUR-SULTAN. QazAqparat – Memleket basshysynyń tapsyrmasy jáne Úkimettiń 2021 jylǵy 13 sáýirdegi qaýlysyna sáıkes, «Samuryq-Qazyna» UÁQ» AQ 500 myń adamǵa vaktsına egýge múmkindik beretin COVID-19 vırýsyna qarsy vaktsınanyń 1 mln dozasyn satyp alýdy qarjylandyrdy. Bul týraly QazAqparat atalmysh qordyń baspasóz qyzmetine silteme jasapsilteme jasap habarlaıdy.

Vaktsınanyń jetkizilýi qordyń QR Densaýlyq saqtaý mınıstrligi jáne «SK-Farmatsııa» AQ arasyndaǵy kelisim aıasynda qamtamasyz etiledi.

«Samuryq-Qazyna» AQ kompanııalar tobyndaǵy epıdemıologııalyq jaǵdaı erekshe baqylaýda jáne basymdyq mánge ıe. Qor óz qyzmetkerleri men olardyń otbasy músheleriniń vaktsınalanýyn maksımaldy túrde qamtýdy kózdep otyr.

Kompanııalar toby boıynsha ekpe salynǵan qyzmetkerler sany 4358 adamdy qurap otyr, sonyń ishinde «QMG» UK» AQ-nyń 1400 qyzmetkeri, «Samuryq-Energo»-nyń 1170 qyzmetkeri, «QTJ» AQ-nyń 1021 qyzmetkeri, «Qazatomónerkásip» UK» AQ-nyń 405 qyzmetkeri jáne «KEGOC» AQ-nyń 250 qyzmetkeri bar.

«Samuryq-Qazyna» AQ – eldegi eń iri jumys berýshilerdiń biri. Kompanııalar tobyna 276 myń qyzmetker eńbek etip júrgen 292 kásiporyn kirip otyr.

«Samuryq-Qazyna» AQ pandemııa bastalǵaly koronavırýspen kúres júrgizýge belsendi atsalysyp keledi. 2020 jyly QR Densaýlyq saqtaý mınıstrligimen yntymqtastyq týraly memorandým aıasynda eń tapshy pozıtsııalardy satyp alý jáne tapsyrý júzege asyryldy, sonyń ishinde 100 jedel járdem kóligi, ottegi kontsentrattarynyń 1000 birligi, ókpeni jasandy jeldetýdiń 50 apparaty, 1000 pýlsoksımetr jáne vırýsqa qarsy «Avıfavır» preparatynyń 3000 býmasy (danasy) bar. Dárigerler, polıtseıler jáne áleýmettik qyzmetkerler úshin 6 mln qorǵanys maskasy satyp alyndy, sondaı-aq otandyq taýar óndirýshilerdi qoldaý jáne densaýlyq saqtaý salasyn damytýǵa baǵttalǵan sharalar kesheni qabyldandy.

Nursultan Nazarbaev Qoryn basqarý keńesi basshysynyń tapsyrmasy boıynsha, Nur-Sultan jáne Almaty qalalarynda ınfektsııalyq aýrýlardyń aldyn alý jáne qadaǵalaý boıynsha eki emhananyń qurylysy josparlandy.