«Samuryq-Qazyna» basshysy: AES salýdy tıimdi jol dep baǵalap otyrmyz

NUR-SULTAN. QazAqparat – «Samuryq-Qazyna» qorynyń basqarma tóraǵasy Almasadam Satqalıev Úkimettiń keńeıtilgen otyrsynda AES salý máselesi týraly paıymyn aıtty, dep habarlaıdy QazAqparat tilshisi.

«Ulttyq energetıkalyq jelini jańǵyrtýdyń jańa jobasy negizgi jobalardyń biri bolýy kerek. Bul jelilerge jańa qýat kózderin qosý úshin qajet dúnıe. Onyń ishinde jańartylatyn qýat kózderi de bar. Atap aıtsaq, qazirdiń ózinde elektr energııasyn óndirý jáne tutyný balansynyń boljamyna qarap otyryp, eldiń ońtústiginde iri qýat kózin iske qosý kerektigi qazirdiń ózinde baıqalyp otyr», -dedi qordyń basqarma tóraǵasy.

Sondaı-aq ol bul máseleni jasyl tehnologııa esebinen sheshý tıimdi degen oı aıtty.

«Kún tártibinde jasyl tehnologııalar turǵanyn eskersek, bizdiń kózqarasymyz boıynsha atom elektr stansasyn salý anaǵurlym tıimdi sheshim bolady», -dedi «Samuryq-Qazyna» basshysy.