«Samuryq-Qazyna» basqarma quramyna bıznesti damytý dırektoryn engizdi
Bul ózgerister qordyń operatsııalyq úlgisin ózgertý jáne qor basqarmasynyń 2014 jylǵy 14 aqpandaǵy sheshimimen bekitilgen jańa uıymdyq qurylymdy engizý qajettiliginen týyp otyr. Bul jaıynda qordyń baspasóz qyzmetinen habarlady.
«Bul sheshim bizdiń qor bıznesin strategııalyq holdıngtiń úlgisine saı retteý maqsatymyzǵa, sonyń ishinde ınvestıtsııalardy basqarý, birtutas qazynashylyq, korporatıvtik qarjylandyrý sııaqty strategııalyq baǵyttarymyzǵa sáıkes keledi. Bıznesti damytý dırektory osy baǵyttarǵa jaýapty bolady», - qor basqarmasynyń tóraǵasy Ómirzaq Shókeev. Berik Beısenǵalıev qordyń bıznesti damytý dırektory bolyp taǵaıyndaldy. Ol buǵan deıin «Samuryq-Qazyna» AQ Basqarýshy dırektory retinde ınvestıtsııalyq qyzmet, korporatıvtik qarjy, qarjy aktıvterin basqarý men qazynashylyq bólimsheleriniń jumysyn úılestirgen. Sonymen, qor basqarmasynyń quramy 6 adamǵa keńeıtilip, myna quramda bekidi: Basqarma tóraǵasy - Ó.Shókeev, Basqarma tóraǵasynyń orynbasarlary - Elena Bahmýtova men Dáýren Erdebaı, bıznesti damytý dırektory Berik Beısenǵalıev jáne jańa uıymdyq qurylym boıynsha qarjy dırektory (FD), sondaı-aq quqyqtyq qyzmet bas dırektory (CLO - Chief Law Officer) bolyp bekitilgen basqarýshy dırektorlar - basqarma músheleri Nurlan Rahmetov pen Talǵat Sársenbaev. Sonymen qosa, «Samuryq-Qazyna» AQ Dırektorlar keńesi qordyń basqarma tóraǵasynyń orynbasary D.Erdebaıdyń «QazMunaıGaz» UK» AQ Dırektorlar keńesiniń músheligine kirýine kelisimin berdi. Otyrys barysynda Qordyń jumysyn, negizgi salalaryn, basty komponentteri men úrdisterin aıqyndaıtyn «Samuryq-Qazyna» AQ Іshki baqylaý júıesiniń erejesi bekitildi. Operatsııalyq qyzmettiń tıimdiligin, aktıvterdiń saqtalýy men qordyń tıimdi jumsalývymen qatar qarjylyq, basqarý esebiniń tolyqqandy, naqty ári senimdi bolýyn qamtamasyz etý, táýekelderdiń jáne basqa da jaǵdaılardyń týyndaý múmkindigin azaıtyp, aldyn alý atalǵan júıeniń basty mindetteri bolyp tabylady. Sondaı-aq, Dırektorlar keńesi 2014 jyldyń IV toqsany boıynsha táýekelder týraly esepti bekitti. Otyrysta qordyń ózge de máseleleri qaralyp, tıisti sheshimder qabyldandy.
