«Samuryq-Qazyna» Astanadaǵy apatty turǵyn úılerdi syrýǵa nesıe bóledi

ASTANA. 30 qazan. QazAqparat - «Samuryq-Qazyna» UÁQ» AQ Astanadaǵy apatty turǵyn úılerdi syryp tastaý boıynsha ilki jobany júzege asyrý úshin 20 mıllıard teńge kóleminde nesıe berýdi sheshti.

Bul týraly «Samuryq-Qazynanyń» saıtynda málim etildi.

Mundaı sheshim QR Úkimetiniń basshysy Serik Ahmetovtyń tóraǵalyǵymen ótken «Samuryq-Qazyna» AQ dırektorlar keńesiniń júzbe-júz otyrysy barysynda qabyldandy. Nesıe Astana qalasy ákimdiginiń quzyrly mekemesine beriletin bolady.

Sonymen qatar, otyrys barysynda «Samuryq-Qazyna» AQ dıvıdenttik saıasat jobasynyń Biryńǵaı aktsıonerin bekitý sheshildi. Bul saıasat qordyń dırektorlar keńesi biryńǵaı aktsıonerge ótken qarjylyq jylda qordyń taza tabysyn úlestirý tártibi men bir jyl ishinde bir qarapaıym aktsııaǵa eseptegende dıvıdenttiń kólemi týraly usynystardy ázirleý barysynda basshylyqqa alatyn prıntsıpterdi aıqyndaıdy.

Sondaı-aq dırektorlar keńesi S.Ahmetovty «Samuryq-Qazyna» AQ dırektorlar keńesiniń taǵaıyndaýlar men syıaqy taǵaıyndaý jónindegi komıtetiniń tóraǵasy etip taǵaıyndady.