«Samuryq-Qazyna» arqyly salynatyn turǵyn úılerge ótinimderdi ınternet arqyly berýge bolady
Bul týraly búgin «Samuryq-Qazyna» Jyljymaıtyn múlik qory» AQ ótkizgen baspasóz máslıhatynda Basqarma tóraǵasy Bolat Palymbetov málimdedi.
Onyń aıtýynsha, osy rette Almaty qalasyndaǵy «Asyl arman» jáne Aqtóbe qalasyndaǵy «ıÝnıs sıtı» turǵyn úı keshenderin salýǵa ınvestıtsııalaý sharttary jasylyp qoıǵan.
«Halyqqa páter ótkizý joldaryn qarastyrý kezinde Jyljymaıtyn múlik qory osy máseledegi halyqaralyq tájirıbelerdi kóp zerttedi. Búginde ótinimderdi óńdeýdiń eń tıimdi joldarynyń biri ınternet tehnologııalardy paıdalaný bolyp otyr», - dedi B. Palymbetov.
Baspasóz máslıhatynda ınternet arqyly ótinim beretin baǵdarlama tanystyryldy. Basqarma tóraǵasynyń aıtýynsha, ınternet arqyly jalǵa beriletin páterge kezekke turý qandaı da bir turǵyn úı paıdalanýǵa berilýge 3 aı qalǵan kezde múmkin bolady. Ol úshin qordyń Fnsk.kz mekenjaıyndaǵy resmı saıtyna kirip, arnaıy bólimde ótinimdi toltyrý qajet. Satý jáne satyp alý quqyǵymen jalǵa beriletin páterge ıe bolǵysy keletin kez kelgen azamat elimizdiń qalalarynda salynatyn turǵyn úılerden ózi qalaǵan páterdi tańdaı alady. Ol úshin atalmysh qalada onyń atynda jyljymaıtyn múlik bolmaýy shart jáne páterdiń jaldaý aqysyn aı saıyn tóleı alatyndaı jaǵdaıda bolýy qajet. Taǵy bir aıta ketetini, úmitker páter alǵysy keletin qalada kem degende bir jyl turyp, jumys istegen bolýy tıis.
«Kezekke turǵan adamdardyń tizimi barlyq saıtqa kirýshilerge kórinip turatyndyqtan, munda eshqandaı barmaq basty, kóz qysty áreketterge jol berilmeıdi. Jáne bir qaladan bir páter alǵan adam bul baǵdarlamaǵa ekinshi ret qatysa almaıdy», - deıdi B. Palymbetov.
