«Samuryq-Qazyna» ál-aýqat qory janynan memlekettik satyp alýlar jónindegi keńes qurylatyn boldy

TANA. 7 qyrkúıek. QazAqparat /Aıdar Ospanalıev/ - «Samuryq-Qazyna» ál-aýqat qory» aktsıonerlik qoǵamynyń janynan memlekettik satyp alýlar jónindegi keńes qurylady. Bul týraly búgin jýrnalıstermen bolǵan brıfıngte atalmysh qor tóraǵasy Tımýr Qulybaev málim etti.

«Osy ýaqytta meniń tóraǵalyǵymmen ulttyq kompanııalarǵa arnalǵan taýar men ónim óndiretin ujymdardyń basshylary jáne tanymal bıznesmender shaqyryldy. «Atameken Odaǵy» ulttyq ekonomıkalyq palatasy ókilderiniń usynysymen qoǵamdyq keńestiń quramyna 14 adam engizilgeli otyr. Qoǵamdyq keńes aıasynda biz memlekettik satyp alý sharalaryn jetildirip, olardyń barynsha, ashyq, jarııaly bolýyn qamtamasyz etýge kúsh salamyz. Bir jaǵynan bizdiń kásiporyndar men kásipkerler ulttyq kompanııalardyń qajettilikterin jetik biletin bolady. Biz osy ýaqytta besjyldyq josparǵa kóshtik. Sondyqtan biz memlekettik satyp alýlarǵa qatysty josparlarymyzben tanystyra alamyz. Menińshe, bul kásipkerler úshin tıimdi ári paıdaly aqparat bolady»,-dedi qor tóraǵasy.