«Samuryq-Qazyna» AQ syrtqy qaryz kólemin 7 mlrd. dollarǵa qysqartty

ASTANA. QazAqparat - 2015 jyldyń qorytyndysy boıynsha «Samuryq-Qazyna» AQ syrtqy qaryz kólemin 7 mlrd. dollarǵa qysqartty. Bul týraly búgin Astanada ótken baspasóz máslıhatynda atalǵan Qordyń Qarjy jáne operatsııalar jónindegi basqarýshy dırektory - Basqarma múshesi Elena Bahmýtova málim etti.

«2015 jyly toptyń syrtqy qaryzy 7 mlrd. dollarǵa nemese 30 paıyzǵa qysqaryp, 2015 jylǵy 31 jeltoqsandaǵy jaǵdaı boıynsha 17,3 mlrd. dollardy qurady»,- dedi E. Bahmýtova.

Nomınaldy syrtqy qaryz qurylymynda 59 paıyzy «QazMunaıGaz» kompanııasyna, al 18 paıyzy «Qazaqstan temir jolyna» tıesili jáne 9 paıyzy Qordyń ózge uıymdarynyń úlesinde.

«Samuryq-Qazyna» toby óziniń qarjylyq mindettemelerin oryndaı almaýy múmkin degen qandaı da bir qater joq»,-dep túıdi sózin E.Bahmýtova.

Budan buryn habarlanǵandaı, 2015 jyly «Samuryq-Qazyna» AQ-nyń jıyntyq taza tabysy 304,8 mlrd. teńgeni qurap, 2014 jylmen salystyrǵanda 30 paıyzǵa ósti. Tabystyń ósimine negizinen baǵam aıyrmashylyǵy oń áser etti. Al álemdik naryqtaǵy munaı baǵasynyń tómendeýi birlesken kompanııalardaǵy tabys úlesiniń azaıýyna ákelip soqtyrsa, Qytaı men Reseı ekonomıkasy ósiminiń tejelýi jekelegen sala qyzmetterine zııanyn tıgizip, jıyntyq taza tabysqa teris yqpal etken kórinedi.