«Samuryq-Qazyna» AQ sandyq tehnologııalardy engizý arqyly 200 mlrd. teńge únemdemek
«2015 jyly ulttyq ál-aýqat qorymen strategııalyq kelisimge qol qoıý biz úshin aıqyndaýshy oqıǵa boldy. Qujat aıasynda barsha Qazaqstan úshin mańyzdy maqsattardy sheshý kózdelip otyr. Osy rette úderisterdi avtomattandyrý deńgeıin aǵymdaǵy 30-dan 70 paıyzǵa deıin jetkizý eskerilip otyr. Qordyń baǵalaýy boıynsha bizdiń kompanııamen yntymaqtastyqtan ekonomıkalyq tıimdilik 2020 jylǵa deıin 200 mlrd. teńgege jýyqtaıdy»,-dedi ol Astana SAP Forýmynda.
Sonymen qatar kompanııa óziniń ınvestıtsııalaryn jáne Qazaqstan naryǵyna qatysý deńgeıin arttyrmaq. Sebebi, elimizdegi bıznes salada ósim baıqalýda.
SAP kompanııasy bıznesti basqarýǵa arnalǵan sheshimderi álemdegi kásipkerlerge klıenttermen ózara qarym-qatynasty jetildirýge, sondaı-aq seriktestermen birlesken jumys júrgizý aıasyn keńeıtý men kompanııanyń logıstıkalyq tizbegin jáne bıznes-operatsııalar sheńberindegi qyzmetiniń tıimdiligin kóterýde kómektesedi.
