«Samuryq-Qazyna» AQ-nyń jańa basqarýshy dırektorlary taǵaıyndaldy
ASTANA. 1 aqpan. QazAqparat - «Samuryq-Qazyna» AQ basqarma tóraǵasynyń buıryǵyna sáıkes qordyń basqarýshy dırektory bolyp Qýanysh Bektemirov taǵaıyndaldy. Bul týraly atalǵan qordyń baspasóz qyzmeti habarlady.
Budan buryn habarlanǵandaı, Almasadam Satqalıev qordyń basqarýshy dırektory laýazymynan bosatylyp, «Samuryq-Energo» basqarma tóraǵasy bolyp taǵaıyndaldy. Q.Bektemirov buǵan deıin «Energokontrakt» JShS bas dırektory bolyp jumys istedi.
Sonymen birge, «Samuryq-Qazyna» AQ basqarýshy dırektory Danııar Ábilǵazınniń ornyna qorda munaı-gaz aktıvterin basqarý boıynsha dırektory bolǵan Málık Sálimgereev taǵaıyndaldy. Berilgen ótinish boıynsha D.Ábilǵazınmen eńbek sharty toqtatyldy.
