«Samuryq-Qazyna» AQ men elorda ákimdigi 9 baǵyt boıynsha birlese jumys isteıdi
Memorandýmǵa astanany gazben qamtý, elektrondy saýda, Smart city baǵdarlamasy, satyp alý, áleýmettik qyzmetter, ımport almastyrýdy damytý, elektrondy saýda men poshta jelisin damytý, jastardy qoldaý, HR salasyn damytý sııaqty 9 baǵyt kiredi.
Osylaısha, «Aqyldy qala» (Smart city) baǵdarlamasy Nur-Sultan qalasyn damytýǵa arnalǵan. Atalmysh baǵdarlama aıasynda 2019-2020 jyldary «Samuryq-Qazyna» UÁQ» AQ elordanyń 3000 kire berisine 6000 beınebaqylaý kameralaryn ornatady.
Sonymen qatar, Nur-Sultan qalasyn gazdandyrý máseleleri talqylandy. «Saryarqa» gaz qubyrynyń qurylysyn «Samuryq-Qazyna» UÁQ» AQ qarjylandyrady. Qazaqstannyń astanasyn, eldiń ortalyq jáne soltústik aımaqtaryn qamtasamyz etetin gaz qubyry jaqyn arada qalaǵa beriledi.
«10 qazanda Saryrqa gaz qubyrynyń qurylysy aıaqtalady. Qala úshin barlyq jumysty daıyndaý ońaı emes ekenin bilemin. Bul óte mańyzdy másele, sondyqtan qazir tyǵyz jáne ózara jumys isteý qajet», - dedi A. Esimov.
Sonymen qatar, elektrondy saýda jáne poshta jelisi taqyryby talqylandy. 2019 jyly franchaızıngtiń 8 pýnktin, sondaı-aq 12 franchaızıng pýnkti men 200 avtomattandyrylǵan sálemdemeni jetkizý pýnkterin ashý 2020 jylǵa josparlanǵan.
Memorandýmnyń mańyzdy bóligi satyp alý, atap aıtqanda ımportty almastyrý jáne jergilikti qamtýdy damytý máselelerine arnaldy. Qor uzaq merzimdi kelisim-sharttar jasasý arqyly Nur-Sultan qalasynda jańa nysandardy salýǵa qatysty jobalarǵa qoldaý kórsetedi. Óz kezeginde, elorda ákimdigi jańa óndirister qurý boıynsha jobalardy, onyń ishinde MJS arqyly 1,6 mlrd. teńge kóleminde irikteýdi qamtamasyz etedi.
Elordalyq kásipkerlerge Qor tobyn satyp aliǵa qatysýǵa kómek kórsetý aıasynda «Samuryq-Qazyna» AQ qala kásiporyndarynan taýarlar, jumystar men qyzmetterdi satyp alý kólemin 2018 jylmen salystyrǵanda kem degende 10%-ǵa arttyrýdy qamtamasyz etedi. 2019 jyly Qordyń satyp alýlary arqyly elordalyq kásipkerler 380 mlrd. teńge tabys tapty.
Sonymen qatar, taraptar Nur-Sultan qalasynyń áleýmettik salasynyń máselelerin talqylady. Qor áleýmettik jetimdiktiń aldyn alý, tserebraldy sal aýrýy bar balalardy ońaltý, áleýmettik máselelerdi sheshýge qarjylyq qoldaý kórsetedi. Osylaısha, Nur-Sultan qalasynda jeńil atletıkalyq sport keshenin jáne qazaq drama teatry sııaqty áleýmettik nysandaryn salýǵa jalpy 58 mlrd. teńge bólindi.
