«Samuryq-Qazyna» AQ qorynyń Basqarma tóraǵasy Ó. Shókeev Astanadaǵy 2 zaýytta boldy

 ASTANA. 19 naýryz. QazAqparat - «Samuryq-Qazyna» AQ qorynyń Basqarma tóraǵasy Ómirzaq Shókeev Astana qalasyndaǵy teplovoz shyǵaratyn «Lokomotıv qurastyrý» jáne «Tulpar-Talgo» jolaýshy vagondaryn shyǵaratyn zaýyttardy aralady,

 dep habarlady «KTJ» UK» AQ baspasóz qyzmeti.

Qor basshysy lokomotıv qurastyrý zaýytynda Evolution teplovozynyń ár túrli bólshekterin shyǵarýdan bastap, olardy boıaý, daıyn ónimdi synaqtan ótkizýge deıingi úderisimen tanysty.

 Qor basshysynyń lokomotıv qurastyrýdaǵy qazaqstandyq úlesi týraly suraǵyna jaýap bere otyryp, «Qazaqstan temir joly» UK» AQ vıtse-prezıdenti E. Sultanov búginde qazaq óndirýshileri teplovozdyń kóptegen qurama bólshekterin jasap shyǵarýdy ıgergendigin atap ótti. 2012 jyly arba jaqtaýlaryn óndirý ıgeriledi. Sol sebepti iri metall quımalarǵa degen qajettilik týyndaıdy. Vıtse-prezıdenttiń aıtýynsha, óndiristegi qazaqstandyq úlestiń kólemi 2015 jyly 50%-dy quraıdy.

«Tulpar-Talgo» zaýytynda Ómirzaq Shókeev ár túrli jolaýshy vagondaryn (platskarttyq, kýpelik) qurastyratyn tsehtardy aralap, vagondardyń tehnıkalyq sıpattamalarymen tanysty.  

«QTJ» UK» AQ bas ınjeneri Baýyrjan Orynbasarovtyń pikirinshe, jańa vagondardyń konstrýktsııalyq jyldamdyǵy saǵatyna 200 shaqyrymdy quraıdy. Kásiporynnyń óndiristik qýattylyǵy - jylyna 150 vagon.

Eki kásiporyn da Memlekettik údemeli ındýstrııalyq-ınnovatsııalyq baǵdarlamasyna enip, otandyq temirjol kóligi qurylysynyń damýyna serpin bermek.