«Samuryq-Qazyna» AQ kompanııalar tobynyń Korporatıvtik ombýdsmender keńesi quryldy
dep habarlaıdy «Samuryq-Qazyna» Ulttyq ál-aýqat qory» AQ-nyń baspasóz qyzmeti.
Jıyn barysynda ombýdsmender qyzmetiniń negizgi qaǵıdalary, Qordyń kompanııalar tobyndaǵy ombýdsmender ınstıtýtyn damytý, Halyqaralyq ombýdsmender assotsıatsııasy aıasynda kásibı daıyndyq pen sertıfıkatsııa alý máseleleri talqylandy.
«Korporatıvtik ombýdsmen - kelispeýshilikterdi sheshý úshin taǵaıyndalǵan beıtarap tulǵa. Bul jerde ombýdsmen advokattyń rólin atqarmaıdy, ol tek ádildik jaǵynda bolady», - túsindirdi Qordyń Korporatıvtik hatshylar qyzmetiniń jetekshisi Járdem Qurmanǵazıev. Tıisinshe, ombýdsmen ınstıtýty uıymdardaǵy kelispeýshilikti sheshýge arnalǵan múmkindikterdi barynsha keńeıtedi.
Sonymen qosa, jıynda Qordyń kompanııalar tobynyń Korporatıvtik ombýdsmender keńesin qurý týraly sheshim qabyldanyp, Járdem Qurmanǵazıev keńes tóraǵasy bolyp taǵaıyndaldy.
«Qazmunaıgaz» UK» AQ ombýdsmeni Manat Tasemenova tóraǵanyń orynbasary, «Samuryq-Qazyna» jyljymaıtyn múlik qory» AQ ombýdsmeni Arnur Ǵabdýllın Korporatıvtik ombýdsmender keńesiniń hatshysy bolyp taǵaıyndaldy.
