«Samuryq-Qazyna» 8 naýryzǵa qaraı óndiristegi áıelderdi qulpyrtty
Qordyń Feısbýktegi resmı paraqshasynda eki oqıǵa jarııalanǵan. Olardyń biri Stepnogordaǵy kúkirtqyshqyl zaýytyndaǵy kran mashınısi Galına Branık týraly.
G. Branık jumysynyń aýyrlyǵyna qaramastan, ony aýystyrǵysy kelmeıdi. «Maǵan kranda jumys istegen unaıdy. Buryn qurylystaǵy munara kranynyń mashınısi bolyp jumys istedim, qala qurylysyna qatystym. Zııandy óndiris bolsa da, óz kásibimdi jaqsy kóremin, jumysym ózime qyzyqty», - dep baıandady ol.
Sondaı-aq «Qazposhtanyń» qyzmetkeri Raýza Mılebaeva kóktemge qaraı ádemilikke bet burdy. Ol jumysyna 10 jyl ýaqytyn sarp etti: eńbek jolyn qarapaıym poshtashydan bastap, odan keıin hat korrespondentsııasyn jetkizý bólimine suryptaýshy bolyp aýysqan. Osy jyldary ujymmen dostasyp ketken, ondaǵylar meni Roza dep ataıdy, deıdi ol.
«Samuryq-Qazyna» AQ-nyń baspasóz qyzmetiniń málimetterinshe, joba sátti shyqqan. Áıelder asa bir qymbat kóılek kımegen, olar kıimdi jeke garderobynan tańdaǵan. Shash úlgisi men ajarlandyrýdy olarǵa stılshi ári vızajıst Aıjan Qapysheva tegin jasap berdi.
8 naýryz merekesine oraı qor óndiriste jumys isteıtin taǵy úsh áıeldiń «qulpyrýyn» uıymdastyrmaq. Jobanyń keıipkerlerin enshiles uıymdardyń ózderi tańdap, oǵan qatysýǵa ujym laıyqty sanaıtyndaryn jiberdi.
«Keıipkerlerimizden kórip turǵandaryńyzdaı, árbir áıel ádemi, ol úshin azdap qulpyrý jetkilikti», - dep qorytty Samuryq-Qazynanyń baspasóz qyzmeti.
