«Samuryq-Qazyna» 2021 jylǵa arnalǵan táýekelder kartasyn ázirledi

NUR-SULTAN. QazAqparat - Búgin «Samuryq-Qazyna» ultttyq ál-aýqat qory» AQ-nyń Quqyqtyq súıemeldeý jáne táýkekelder jónindegi basqarýshy dırektory Andreı Kravchenko onlaın-brıfıng ótkizip, Qor 2020 jylǵy qaýipti táýekelderdi qalaı eńsergenin, pandemııanyń saldary kelesi jyly qandaı táýekelder týdyratynyn túsindirdi. Sondaı-aq, Kravchenko «Samuryq-Qazyna» qory 2021 jylǵa arnalǵan táýekelder kartasy ázirlengenin málim etti, dep habarlaıdy QazAqparat.

Jalpy, A.Kravchenko 2020 jyldy qorytyndylaı kele, bıyl Samuryq-Qazynanyń táýekelderdi basqarý júıesi aqaýsyz jumys istep, tıimdiligin kórsetkenin aıtty. Koronavırýs pandemııasyna baılanysty álemniń iri qorlary sııaqty, Samuryq-Qazynanyń aldynda da úlken táýekelder turǵan. Degenmen, buǵan deıingi strategııalyq maqsattardyń arqasynda Qor táýekelderdi saldarsyz eńserip, Qordyń qorjyndyq kompanııalaryndaǵy tabysty arttyrǵan. Pandemııa Qazaqstandy ǵana emes, búkil álemdi jańa táýekelderdi eskerýge úıretken soń, Samuryq-Qazyna kelesi jyldyń jartysynda áli de bolsa koronavırýs pandemııasymen kúreske nazar bólinetindigi atap ótildi.

«Qordyń táýekelderdi basqarý júıesi 2020 jyly kidirissiz jumys istedi jáne tıimdiligin kórsetti. Sonyń arqasynda Qor 2020 jyldyń syn-qaterlerine tótep bere aldy, sonyń ishinde COVID-19 taralýy kezinde bıznestiń turaqtylyǵyn saqtady. Kedergilerge qaramastan, bıyl qordyń taza paıda josparly tabystan 1,5 ese artyq bolady jáne Qor 2020 jyldyń qorytyndysy boıynsha 400 mlrd teńgeden astam taza tabys kútedi», - deıdi ol.

Óziniń baıandamasynda da, jýrnalısterdiń suraǵyna jaýap bergende de Andreı Kravchenko Qordyń kelesi jyldarǵa arnalǵan damý josparlary álemdegi jaǵdaıy eskere otyryp jasalatynyn aıtty.

«Biz bolashaqqa senimmen qaraımyz, biraq, biz úshin kelesi jylǵy naqty táýekel syrtqy faktorlar bolyp qala beredi. Óıtkeni, álemdegi iri ınvestorlardyń úshten biri astamy geosaıası táýekelderdi jalpy qarjylyq turaqtylyq úshin eń úlken táýekel dep sanaıdy Osyǵan baılanysty Qor kelesi jylǵa arnalǵan táýekelder kartasyn jasady», - dep habarlady Andreı Kravchenko.

Osy jáne ózge de táýekelder, atap aıtsaq, koronavırýs pandemııasynyń jalǵasy, munaı baǵasy, naryqtaǵy qubylmaly baǵa, tasymaldaýdaǵy kedergiler jáne ózge de táýekeder Qordyń 2021-2025 jyldarǵa arnalǵan damý josparyn jasaý kezinde eskerildi.

Ekonomıkanyń mańyzdy baǵyty – otandyq taýar óndirýshilerdi qoldaý úshin de Qor kóp jumys atqarǵan. Kravchenko atap ótkendeı, bıznestegi qıyndyq Qazaqstanda ǵana emes, álemniń kóptegen damýshy elderinde tirkelgen faktor.

«Meniń oıymsha, otandyq taýar óndirýshilerdi qoldaý jónindegi sharalar, eń aldymen, qazaqstandyq bıznestiń turaqtylyǵyn qamtamasyz etýge, bizdiń qorjyndyq kompanııaladyń turaqtylyǵyn saqtaýǵa arnalǵan», - dedi ol.

Sóz sońynda Andreı Kravchenko habarlaǵandaı, kelesi jylǵy táýekelderge qaramastan, Qor otandyq bıznesti qoldaýǵa baǵyttalǵan sharalaryn toqtatpaıdy.