«Samuryq-Qazyna» 2020 jylǵa deıin 50 myń otbasyn baspanamen qamtymaq

ASTANA. 6 naýryz. QazAqparat - Úkimet Elbasynyń aǵymdaǵy jylǵy Qazaqstan halqyna arnaǵan Joldaýynda júktelgen mindetke oraı ázirlenip jatqan «Qoljetimdi baspana - 2020» baǵdarlamasyn sáýirde qabyldamaq.  Osylaısha memleket baspana taýqymetin tartyp júrgen talaı otbasyǵa úmit otyn uıalatyp otyr.

Búgin Mıınstrler kabınetiniń bas qosýynda tanystyrylǵan atalǵan baǵdarlamanyń jobasynda turǵyn úı qurylysyn memlekettik qoldaýdyń 6 baǵyty aıqyndalǵan. Solardyń biri ári biregeıi «Samuryq-Qazyna» ál-aýqat qorynyń qarjylandyrýy arqasynda turǵyn úı salý kózdelgen baǵyt desek te bolady. Óıtkeni, osy baǵyt arqyly Memleket basshysy mejelegen jyl saıynǵy jalǵa beriletin tur­ǵyn úı alańynyń 1 mıllıon shar­shy metriniń teń jartysy qordyń qarjylandyrýy arqyly júzege asyrylady. «Qoljetimdi baspana» baǵdarlamasy aıasynda keminde 1 mln. sharshy metr turǵyn úı salynatyn bolsa, onyń 500 myń sharshy metriniń qurylysyn «Jyljylmaıtyn múlik qory» AQ-y arqyly «Samuryq-Qazyna» ÁAQ» AQ-y qarjylandyratyn bolady. «Bizdiń bloktyń basty mindeti - orta sanat úshin qoljetimdi baspana salý. Biz turǵyn úılerdi jyldarǵa bólip salyp, paıdalanýǵa berýdi josparlap otyrmyz. Atap aıtqanda, 2013 jyly 200 myń, 2014 jyly 300 myń sharshy metr turǵyn úıdi paıdalanýǵa beremiz. Al 2015 jyldan bastap 2020 jylǵa deıin jyl saıyn biz málim etken kólemge, shamamen 500 myń sharshy metrlik mejege shyǵamyz», - dedi «Samuryq-Qazyna» UÁQ» AQ basqarmasy tóraǵasynyń orynbasary Qýandyq Bıshimbaev.

Onyń atap ótýinshe, baǵdarlamanyń qor júzege asyratyn baǵytyndaǵy jalpy qarjylandyrý kólemi 688 mlrd. teńgeni quraıdy. Atalǵan somanyń 410 mlrd-y keri ınvestıtsııalanatyn qarjy bolmaq. Jalpy aınalymǵa 288 mlrd. teńge salý qajet etiledi. Bul rettegi qordyń 2020 jylǵa deıingi qurylysqa salatyn qarjysynyń kólemi keminde 80 mlrd. teńgeni quraıdy. Al jetispeıtin 198 mlrd. teńgeni qor respýblıkalyq bıýdjetten «saýyn» aıtyp, surap almaqqa nıet tanytyp otyr. Q.Bıshimbaevtyń túsindirýinshe, bundaı qadamǵa qor qarajatynyń biraz bóligin Elbasynyń Joldaýynda kózdelgen basqa da ınvestıtsııalyq iri jobalarǵa qorlandyrýynan keıin barmaq.

Ózderiniń jobalary boıynsha júzege asyrylatyn baspana salý isine qatysty birqatar ólshemderdi bekitip otyrǵan qor qurylys jumystaryn jeke kapıtalmen áriptestikte atqarmaq. Bul rette jekemenshik qurylys kompanııasynyń qatysý úlesi  joba qunynyń 20 paıyzynan kem bolmaýy tıisti. Degenmen, bul úleske jer satyp alý, jobalyq-smetalyq qujatyn ázirleý syndy shyǵyndar da qosylǵan. Sonymen qatar qurylys kompanııalarynyń baǵdarlamaǵa qatysý ólshemderi de ekshelgen. Máselen, buǵan deıin qurylysqa jiberiletin kompanııanyń atalǵan saladaǵy tájirıbesi 4 jyl bolsa, endigi ýaqytta ol 3 jylǵa tómendetilgen. Al turǵyn úı salý ólshemi buǵan deıin óńirler úshin 15 myń, Almaty men Astana qalalary úshin 40 myń sharshy metr bolsa, endigi ýaqytta ol 8 myń sharshy metrge deıin tómendetilgen. «Biz búkil respýblıkany tolyq qamtýdy josparlap otyrmyz. Al óńirlerde mundaı talaptarǵa saı keletin qurylysshylar joq», - deıdi ol.

Onyń atap ótýinshe, turǵyn úı nysandarynyń qurylysy 3 syzba boıynsha júzege asyrylmaq. Alǵashqy syzbada jeke ınvestormen birlesip baspana salý kózdelgen. Bul rette olar ózderiniń menshikti jerlerinde boı kóteretin ǵımarattyń jobasymen keminde 20 paıyzdyq úles qarjysyn moınyna alsa, al «Samuryq-Qazyna» qalǵan 80 paıyz qarjyny salady. Ekinshi syzba buǵan deıin de daǵdarysqa qarsy baǵdarlama aıasynda óziniń tıimdiligin kórsetken bolatyn. Oǵan sáıkes qurylysqa qajetti somanyń 80 paıyzy ekinshi deńgeıli bankterge depozıtterge ornalastyrylady, al qalǵan 20 paıyzyn jeke qurylys kompanııasy salýy shart. Depozıtterge qarajat baspana salynǵannan keıin qaıtarylady. ıAǵnı, qor depozıtterdiń ornyna daıyn páterler alyp, ony tikeleı satylymǵa shyǵarady jáne odan ári satyp alý úshin uzaq merzimdi jalǵa beredi. Sońǵy syzbaǵa sáıkes «Jyljymaıtyn múlik qorynyń» tapsyrysy boıynsha jergilikti atqarýshy organdar turǵyn úı qurylysyn uıymdastyrady. Bul oraıda jergilikti atqarýshy organdar qorǵa ınfraqurylymy júrgizilgen jer ýchaskesin berýi qajet. Al odan keıin qor jobalyq-smetalyq qujatyn ázirlep, qurylys kompanııasyn tartý arqyly óz qarajaty esebinen turǵyn úıdi turǵyzady.  Aıta keterligi, baspananyń 1 sharshy metri óńirlerde 120 myń, al Astana men Almaty qalalarynda 150 myń teńgeden aspaıdy ári energııa únemdeıtin tehnologııa qolldanylyp, qurylys materıaldary jáne qurylystyń óziniń de sapasy óte joǵary bolady. Qordyń sharty boıynsha baspana 15 jylǵa jalǵa beriledi. Mine osy aralyqta sharshy metrin shamamen 1000-1100 teńgeden jalǵa alǵan adam baspana qunyn tolyǵymen ótep shyǵyp, jekemenshigine  alady. Aıta keterligi, alǵashqy tólem qajet etilmeıdi. Tek 4 aılyq jalǵa alý qarajatyn aldyn ala ótese bolǵany. Sonymen qatar baspanaǵa ıe bolǵan azamattar ony 3 jyldan keıin qarjysy bolǵan jaǵdaıda, birden satyp alýǵa da múmkindikteri bar.

Jalpy qazirgi ýaqytta Astana men Shymkent qalalarynda eki ilki jobany qolǵa alǵan «Samuryq-Qazyna» qory atalǵan shaharlarda 2013 jyly 116 myń, 2014 jyly 330 myń  sharshy metr turǵyn úı salmaq. «Tolyqtaı alǵanda baǵdarlamany júzege asyrý esebinen 2020 jylǵa deıin turǵyn úı sektoryna quıylǵan jeke ınvestıtsııa kólemin shamamen 295 mlrd. teńgege deıin ósirip, keminde 50 myń otbasyn baspanamen qamtamasyz etemiz», - dedi Q.Bıshimbaev.