«Samuryq-Qazyna» 2015-2019 jyldarǵa arnalǵan damý josparyn bekitti

ASTANA. QazAqparat - «Samuryq-Qazyna» AQ Dırektorlar keńesi QR Premer-Mınıstri K.Másimovtiń tóraǵalyǵymen ótken kezekti otyrysynda 2014 jyldy qorytyndylap, aldaǵy 5 jylǵa jospar jasady, dep habarlady Aktsıonerlik qoǵamnyń baspasóz qyzmetinen.

Otyrysta «Samuryq-Qazyna» AQ Dırektorlar keńesi janyndaǵy Transformatsııa baǵdalamasynyń iske asyrylýyn baqylaıtyn Komıtet qurý týraly sheshim qabyldandy. Komıtetke Dırektorlar keńesiniń úsh múshesi kiredi, onyń tóraǵasy bolyp «Samuryq-Qazyna» AQ Dırektorlar keńesiniń tóraǵasy Kárim Másimov taǵaıyndaldy.

Jańa komıtet Qor kompanııalar tobyndaǵy Transformatsııa baǵdarlamasynyń iske asyrylýyna táýelsiz saraptamalyq baǵa beretin bolady. Jarty jylda bir ret «Samuryq-Qazyna» AQ Dırektorlar keńesine óz usynystaryn engizedi. Taldaý nátıjesi jyl aıaǵynda Memleket basshysynyń qaraýyna usynylatyn bolady.

Dırektorlar keńesi «Samuryq-Qazyna» AQ-nyń 2015-2019 jyldardaǵy damý josparyn bekitti.

«Damý jospary, «Samryq-Qazyna» kompanııalar tobynyń qyzmetterin, taýarlarǵa baǵa men tarıfterdi esepke alady, Qazaqstannyń 2015-2019 jyldardaǵy áleýmettik-ekonomıkalyq damýynyń boljamdaryna negizdelip jasaldy. Damý josparyn jasaý kezinde Brent markaly munaıdyń naqtylanǵan baǵasy da eskerilgen», - dedi «Samuryq-Qazyna» AQ Qarjy dırektory Nurlan Rahmetov.

Sondaı-aq, otyrysta Qor qyzmetiniń ózge máseleleri de qaralyp, tıisti sheshimder qabyldandy.