«Samuryq-Energonyń» elektr energııany óndirýdegi úlesi 38,5%-dan aspaq
ASTANA. 18 jeltoqsan. QazAqparat - «Qazaqmystan» «Ekibastuz RRES-1» JShS 50% jáne «Qazgıdrotehenergo» JShS 100% úlesti satyp alý arqyly «Samuryq-Energo» AQ Qazaqstandaǵy elektr energııany óndirýdegi óziniń úlesin 38,5%-dan astamǵa ulǵaıtady. Bul týraly Halyqtyq IPO baǵdarlamasynyń resmı saıty habarlady.
Kompanııa baspasóz qyzmetiniń habarlaýynsha, «mámile aıaqtalǵasyn kiris aıtarlyqtaı ulǵaıady, EBITDA-ny qosqanda, qarjylyq turaqtylyq kórsetkishteri jaqsarady».
«Jıyntyq qýaty 108 MVt bolatyn jeti shaǵyn GES-ti basqaratyn «Qazgıdrotehenergony» satyp alý, «Samuryq-Energonyń» «jasyl ekonomıka» strategııasynyń basymdyqtaryna sáıkes keledi», - delingen habarlamada.
