«Samuryq-Energo» tokqa túsken jumysshy týraly: Eńbek qaýipsizdigin saqtaǵanda aman qalar edi
«Samuryq-Qazyna» AQ qoǵamdyq keńesiniń otyrysynda «Samuryq-Energo» AQ-ǵa tıesili kompanııalarda bolǵan qaıǵyly jaıttardyń sebebi talqylandy.
«Alataý Jaryq Kompanııasynda» joǵary kerneýli tokqa túsip qaıtys bolǵan jumysshynyń 8 jyl ótili bar, tájirıbeli maman bolǵan. Tereńirek zerttegen kezde dál sol kúni otbasymen, jubaıymen ursysqany belgili boldy. Nege ekeni belgisiz, dál sol ýchaskege jeke qorǵanys quraldarynsyz, aıaǵyna «krossovka» kıip shyǵa salǵan. Shyqqan da, negizinen kásibı mindetine kirmeıtin jumyspen aınalysa bastaǵan», - dedi kompanııa ókili.
Áńgimege qoǵamdyq keńes tóraǵasy Bolat Jámishev aralasty.
«Al jeke qorǵanys quraldaryn kıip shyqsa, qaıǵyly jaıt bolmaýshy ma edi?» dep surady ol.
Tólegen Maksılovtyń sózine qaraǵanda, jumysshy eńbek qaýipsizdigin saqtaǵan bolsa, aman qalar edi.
«Onda ol tiri qalar edi. Óıtkeni aıaǵynda arnaıy aıaq kıim bolǵanda boıynan elektr togy ótpes edi. Qolynan óte shyǵýy múmkin edi. Ol «krossovka» kıip shyqqan», - dedi «Samuryq Energo» ókili.
Bolat Jámishev tok soǵý qaýpi bar aýmaqta jumysshynyń jalǵyz áreket etýge qalaısha jiberilgenin surady.
«Ol jalǵyz jumys istep júrgen. Zańnamada oǵan ruqsat bar. Keıin biz de bul máseleni kóterdik. Biraq, ókinishke qaraı, zańnama ondaı adamdarǵa jalǵyzdan jalǵyz jumys isteýge ruqsat beredi. Osy jaǵdaıdan keıin biz qarymta shara qabyldadyq. Qazir ár jumysshynyń sońynan beınebaqylaý ornatý mindetti shara bolyp bekitildi. ıAǵnı, adam ózin syrtynan baqylap turǵanyn bilse, qaýipsizdik talaptaryn buzbaıdy. Qaýipsizdik mádenıeti degen de osy», - dedi Tólegen Maksılov.
