«Samuryq-Energo» aktsııalary ІRO-ǵa jyl sońynda nemese keler jyly shyǵarylýy múmkin
Eske salsaq, «Halyqtyq ІRO» jónindegi Qazaqstan halqy Assambleıasynyń respýblıkalyq qoǵamdyq komıssııasy uıymdastyrǵan sharanyń maqsaty baǵdarlamanyń 1-kezeńiniń qorytyndysyn shyǵaryp, odan ári júzege asyrýda usynystar ázirleý bolyp tabylady.
Tóraǵa orynbasarynyń aıtýynsha, «KEGOC» AQ-yn «Halyqtyq ІRO-ǵa» shyǵarý 2013 jyldyń mamyr-maýsym aralyǵyna josparlanǵan. Al jyl sońyna qaraı, naqtyraq aıtqanda 2013 jyldyń tórtinshi toqsanyna «QazTransGaz» kompanııasyn shyǵarý belgilenip otyr.
«2013 jyly ІRO-ǵa kandıdattardyń biri «Samuryq-Energoǵa» keletin bolsaq, bul kompanııany shyǵarýǵa ázirlik jumystary atqarylýda. Múmkin ne osy jyldyń sońynda, ne bolmasa 2014 jyldyń basynda ol da Qazaqstannyń Qor bırjasyna shyǵatyn bolady», - dedi Qýandyq Bıshimbaev. Onyń aıtýynsha, ІRO-ǵa shyǵarylatyn kompanııalardyń barlyǵy iri jáne óz salalary boıynsha júıequrýshy bolyp tabylady.
«Aldaǵy shyǵarylatyn «KEGOC» kompanııasy Qazaqstannyń energetıkasynda negizgi ról atqarady. Elimizdiń energetıkasy osy kompanııanyń magıstraldi jelileri arqyly bir óńirden ekinshige tasymaldanady. Sondyqtan da, bul kompanııanyń Qazaqstan ekonomıkasy sharýashylyǵynda orny erekshe. Onyń ornyqty damýy «Samuryq-Qazynaǵa» da jalpy el ekonomıkasyna da mańyzdy», - dedi Q. Bıshimbaev.
