«Samuryq-Energo» AQ quramyna kiretin kompanııalar Energetıkter kásipodaǵy federatsııasyna toptasty

ASTANA. 29 mamyr. QazAqparat - Elordada «Samuryq-Energo» AQ kompanııalar tobyna kiretin kásipodaqtar uıymdarynyń delegattary quryltaıshylyq konferentsııasyn ótkizip, «Energetıkterdiń kásipodaq federatsııasy» qoǵamdyq birlestigin qurý týraly qaýly qabyldady,

dep habarlady kompanııanyń baspasóz qyzmetinen.

Konferentsııa barysynda jańa kásipodaq birlestiginiń jumys toby qurylyp, jarǵysy bektildi.

Jańa qoǵamdyq kásipodaq birlestiginiń jetekshisi Orazbek Bekbastyń atap ótýinshe, aǵymdaǵy jyldyń 24 mamyrynda QR Ádilet mınıstrligi Tirkeý qyzmeti jáne quqyqtyq kómek kórsetý komıtetiniń buıryǵymen «EKF» QB-nyń jarǵysy tirkelgendigi týraly anyqtama berilgen. Qazirgi tańda «Samuryq-Energo» AQ-tyń enshiles kompanııalaryndaǵy kásipodaqtarǵa tirkelgen 8 myńnan asa múshesi bar.

«Qoǵamdyq birlestiktiń basty mindeti - jumys berýshi men «EKF» QB arasyndaǵy áleýmettik seriktestikti damytý, elimizdiń energetıka salasy jumysshylarynyń múddesi qorǵaýda jumys berýshilerdiń jaýapkershiligin arttyrý», - dedi ol.