«Samuryq-2018» rallı-sprınt: Kókshetaýda Qazaqstan kýbogynyń 3-shi kezeńi ótip jatyr
KÓKShETAÝ. QazAqparat - Kókshetaýda «Samuryq-2018» rallı-sprınt boıynsha Qazaqstan kýbogynyń 3-shi kezeńi ótip jatyr, dep habarlaıdy QazAqparat tilshisi.
Qopa kóliniń ústinde uıymdastyrylyp jatqan jarysqa Qazaqstan jáne Reseı elderinen kelgen sportshylar qatysýda.
Aqmola oblystyq dene shynyqtyrý jáne sport basqarmasy baspasóz qyzmetiniń deregi boıynsha jarys kólikterdiń «artqy jetek», «tolyq jetek» jáne «aldyńǵy jetek» kategorııasy boıynsha ótýde. 
Eske sala keteıik, jaqynda Pavlodar qalasynda «Samuryq-2018» rallı-sprınt boıynsha Qazaqstan kýboginiń 2-shi kezeńi ótken bolatyn. Oǵan Astana, Qaraǵandy, Pavlodar, Óskemen, Kókshetaý jáne Almaty oblystarynan barǵan ekıpajdar qatysty. Onyń ishinde «Artqy jetek» sanatyndaǵylar arasynda aqmolalyqtar Aleksandr Novıkov pen Ramıl Nabıýlın birinshi, «Tolyq jetek» sanatyndaǵylar arasynda Denıs Lýtsenko men Fedor Panov úshinshi, «Aldyńǵy jetek» sanatyndaǵylar arasynda Vladıslav Larıýshın men Valerıı Nadjavov tórtinshi orynnan kórinip, jalpy komandalyq esepte Aqmola oblysynyń «Kókshetaý-WINKOD» komandasy «Samuryq-2018» rallı-sprınt boıynsha Qazaqstan kýbogynyń 2-shi kezeńinde jeńiske jetken edi. Búgin aqmolalyqtar osy jeńisin eseleı túsýge múmkindik alyp otyr. 
