«Samuryq-Qazynadaǵy» «HR-brend 2025»: baıqaý jeńimpazdary anyqtaldy
ASTANA. KAZINFORM – Prezıdent Qasym-Jomart Toqaevtyń bastamasymen jarııalanǵan Jumysshy mamandyqtar jyly aıasynda «Samuryq-Qazyna» AQ tyń jobany qolǵa aldy. Ol — Qorǵa qarasty kompanııalarda ozyq, ornyqty HR-tájirıbelerdi anyqtaý men taratýdy maqsat etken «HR-brend 2025» baıqaýy.
Memleket basshysy adamı kapıtaldy damytý, sapaly bilim berý, eńbek ınstıtýtyn nyǵaıtý jáne jastardy bolashaq ekonomıkasyna tartýǵa basymdyq berýdiń ózektiligin erekshe atap ótken edi. Jumysshy mamandyqtar jyly aıasynda «HR-brend 2025» baıqaýynyń uıymdastyrylýy osy bastamamen astasyp jatyr. ıAǵnı, alǵash ret qolǵa alynǵan atalmysh baıqaý da qoldanbaly daǵdylardy, óndiristik quzyretterdi damytý men eńbekti qurmetteýge baǵyttalǵan irgeli bastamalardyń biri boldy.
Bıylǵy baıqaýdyń irikteý kezeńine Qorǵa qarasty 9 kompanııa qatysyp, ózara baq synady. Atap aıtqanda, olardan bes atalym boıynsha 25 ótinim tústi. Bul rette joba-keısterdiń barlyǵy qyzmetkerlerdi irikteý men damytý, HR úderisterdi tsıfrlandyrý, talanttarmen jumys isteý, qyzmetkerlerdiń jumysqa belsendi qatysýy boıynsha naqty jetistikterdi eskerý syndy qaǵıdalarǵa negizdelgen.
«Samuryq-Qazyna» AQ basqarma tóraǵasy Nurlan Jaqypov atap ótkendeı, alǵash ret ótkizilip otyrǵan baıqaý qazirdiń ózinde top ishindegi HR-tásilderdiń joǵary deńgeıde qoldanylyp, jetildirilip jaqtanyn kórsetti.
— Bul negizgi damý strategııasy retinde adam kapıtalyna ınvestıtsııa quıý boıynsha tańdalǵan baǵyttyń turaqtylyǵyn rastaıdy. Usynylǵan keıster boıynsha qatysýshy kompanııalar jergilikti bastamalardy ǵana emes, qazirgi zamanǵy talaptar men qundylyqtarǵa, sonyń ishinde ınklıýzııa, tsıfrlandyrý jáne áleýmettik jaýapkershilikke sáıkes keletin júıeli HR sheshimderdi de kórsetti. Bul bastamalardyń negizinde — turaqty eńbek ortasyn qalyptastyrýǵa degen ustanym, al onyń ózeginde — eńbek adamy tur, — dep atap ótti Nurlan Jaqypov.
Baıqaýdyń saraptamalyq baǵalaý qorytyndysy boıynsha bes atalymnyń úzdikteri anyqtaldy. Naqtysy, «Іrikteý sheberi» atalymyna «Qazaqstan temir joly» UK» AQ laıyq dep tanyldy. «Talanttar sáýletshisi» atalymyn «Samuryq-Energo» AQ ıelendi. «Qazatomónerkásip» UAK» AQ «HR serpilisi» atandy. «Belsendilik draıveri» atalymy «Qazposhta» AQ-yna buıyrsa, «KEGOC» AQ «Tsıfrlyq HR jetekshisi» atalymynda úzdik boldy.
Jeńimpazdardyń keısterin www.qsamruk.kz portalynan kórip, tanysýǵa bolady. Qor ókilderiniń aıtýynsha, aldaǵy ýaqytta baıqaýdy jyl saıyn uıymdastyrý kózdelip otyr. Sol arqyly ol eńbek qatynastaryndaǵy reformalar boıynsha sarapshylar men kóshbasshylardy biriktiretin HR-tájirıbelerdi damytý alańyna aınalmaq. Sonymen qatar, bul bastama eńbek, bilim men bastama usyný joǵary baǵalanatyn áleýmettik ádil qoǵam qurýǵa, adamdy qurmetteýge baǵyttalǵan basqarý mádenıetin qoldaýdyń mańyzdy quraly bolady.
Atap óterligi, Qor toby úshin óndiristik sala qyzmetkerleriniń kásibı damýy — únemi basym baǵyttardyń qatarynda Oǵan 2025 jyldyń alǵashqy jartyjyldyǵynyń ózinde 12 myńnan astam jumysshy mamannyń oqytýdan ótkeni aıǵaq bolady alady. Olardyń qatarynda bedeldi halyqaralyq Atomskills chempıonatynyń jeńimpazdary men júldegerleri de bar. Bul — adamı kapıtalǵa salynǵan uzaq merzimdi ınvestıtsııalardyń tıimdiliginiń jarqyn úlgisi.
Jalpy, «Samuryq-Qazyna» AQ Jumysshy mamandyqtary jyly aıasynda qyzmetkerlerdiń bilimin tolyqtyryp, kásibı biliktiligin arttyryp, áleýmettik jaǵdaıyn jasaýǵa aıryqsha mán berip, ıgi bastamalardy qolǵa aldy. Máselen, 200 myńnan astam qyzmetkerdiń jalaqysy kóterildi. Bul rette jumysshy mamandyqtarǵa erekshe den qoıyldy. Sol sııaqty qyzmetkerlerge turǵyn úı berý jáne turmystyq ınfraqurylymdy jaqsartý boıynsha júıeli jumystar bastaldy.
Joǵaryda atap ótkenimizdeı, Qor kompanııa ókilderiniń bilimi men biliktiligin arttyrýdy alǵa qoıady. Aıtalyq, Toptyń jetekshi kompanııalary Nazarbaev Ýnıversıteti, KIMEP, QBTÝ, Sátbaev ýnıversıteti jáne óńirlik kolledjdermen birlesip dýaldy oqytý baǵdarlamalaryn iske asyrýda. Qor kásiporyndarynda 5 myńnan astam stýdent óndiristik tájirıbeden ótip, korporatıvtik áleýmettik jaýapkershilik aıasynda birqatar bastama júzege asyp jatyr. Olardyń qatarynda 17 óńirdegi jetim balalardy jáne balalar úıiniń tárbıelenýshilerin jumysqa ornalastyrý boıynsha «Tálimger» jobasy, balalar úıiniń tárbıelenýshilerine kásiptik baǵdar berý jáne áleýmettendirý baǵytynda «Samruk Úmiti» jobasy bar.
Árıne, HR-úderisterge de erekshe nazar aýdarylyp keledi. Bul baǵytta qyzmetkerlerdi irikteý protsesteri jeńildetilip, tsıfrlandyryldy. Endi barlyq jumys QSamruk.kz platformasy arqyly iske asady. Nátıjesinde qaǵazbastylyq tolyǵymen joıyldy. Bos jumys oryndary barlyq adam úshin, sonyń ishinde múmkindigi shekteýli jandar úshin de qoljetimdi. Sondaı-aq, qor Memleket basshysynyń tapsyrmasy aıasynda genderlik tepe-teńdik boıynsha jumystardy sátti jalǵastyryp jatyr. 2030 jylǵa qaraı kompanııalarda basshylyq laýazymdaǵy áıelderdiń úlesi keminde 30%-ǵa jetýi tıis degen meje aıasynda da jumys istelip jatyr.