«Samuryq-Qazyna» jáne «Qazaqstan temir joly» kompanııalarynyń basshylary qamaýǵa alyndy

ASTANA. KAZINFORM — https://kaz.inform.kz/news/ukk-samurik-kazina-basshisinin-ustalganin-rastadi-43f84aa5/Sot «Samuryq-Qazyna» AQ basqarma tóraǵasy Nurlan Jaqypov pen «Qazaqstan temir joly» UK» AQ basqarma tóraǵasy Eljas Otynshıevti qamaýǵa alýǵa sanktsııa berdi.

«Samuryq-Qazyna» jáne «Qazaqstan temir joly» kompanııalarynyń basshylary qamaýǵa alyndy
Kollaj: Kazinform/ kmg.kz/ sk.kz

Ulttyq qaýipsizdik komıtetiniń málimetinshe, 12 qarashada ustalǵan olar sybaılas jemqorlyq qylmysyn jasady degen kúdikpen ýaqytsha ustaý ızolıatoryna qamaldy.

– 14 qarashada tergeý sotynyń sanktsııasymen olar qamaýǵa alyndy. Sotqa deıingi tergeý jalǵasyp jatyr, - delingen UQK málimdemesinde.

QR Qylmystyq is júrgizý kodeksiniń 201-babyna sáıkes, basqa aqparat jarııa etilmeıdi.

Esterińizge sala keteıik, 12 qarashada Ulttyq qaýipsizdik komıteti «Samuryq-Qazyna» jáne «Qazaqstan temir joly» basshylarynyń qamaýǵa alynǵanyn rastady. Olar sybaılas jemqorlyq qylmysyn jasady degen kúdikke ilingen.