«Samuryq – Qazyna» sońǵy 6 jylda 27 mlrd dollar sheteldik ınvestıtsııa tartty
ASTANA. KAZINFORM – Qordyń basqarýdaǵy aktıvter kólemi 82 mlrd dollar. Tolyǵyraq «Samuryq-Qazyna» AQ basqarma tóraǵasy Nurlan Jaqypov aıtyp berdi.
Ol «Samuryq-Qazynanyń» strategııalyq jobalar portfelin tanystyryp, qordyń sheteldik ınvestıtsııany tartýdaǵy negizgi qozǵaýshy kúsh retindegi rólin atap ótti.
- Basqarýdaǵy aktıvter kólemi 82 mlrd dollar. Qor álemdegi eń iri 25 egemendi qor qataryna kiredi. Samuryq-Qazyna portfelinde jalpy quny $100 mlrd asatyn 130-dan astam ınfraqurylymdyq joba bar. Sońǵy 6 jylda 27 mlrd dollar kóleminde sheteldik ınvestıtsııa tartyldy. Biz kózdegen basym baǵyttar, jasyl energetıka (2028 jylǵa qaraı 5 GVt JEK), munaı-gaz jobalary men magıstraldyq gaz qubyrlary, kólik jáne tsıfrlyq ınfraqurylym, - dedi Nurlan Jaqypov elordada ótip jatqan Astana Finance Day – 2025 halyqaralyq forýmda.
Sondaı-aq basqarma tóraǵa qordyń damýy memleket pen jahandyq ınvestorlar arasyndaǵy seriktestikke negizdeletinin aıtyp otyr.
Búgin elordada Astana Finance Day–2025 ótip jatyr.
Eki kúnge jalǵasatyn Astana Finance Days-te álemniń 70-ten astam elinen 5 000-nan asa qatysýshy, onyń ishinde brokerler, bankırler, ınvestorlar men ınnovatorlardy qosa alǵanda, qarjy jáne tehnologııalyq sektor, sondaı-aq memlekettik jáne kvazımemlekettik sektor ókilderi bas qosyp otyr.