«Samuryq-Qazyna» men ACWA Power Jetisý oblysynda jel elektr stantsııasyn salady
«Samuryq-Qazyna» AQ Basqarma tóraǵasy Nurlan Jaqypov ACWA Power negizin qalaýshy jáne dırektorlar keńesiniń tóraǵasy Mýhammad Abýnaıanmen kezdesti, dep habarlaıdy Kazinform.
Basqosýda Jetisý óńirinde qýaty 1 GVt jel elektr stantsııasyn salý boıynsha birlesken jobany júzege asyrýǵa qatysty másele talqylandy. Stantsııada ınnovatsııalyq elektr qýatyn saqtaý júıesi ornatylady. Paıdalanýǵa berý 2028-2029 jyldarǵa josparlanǵan.
Taraptar bıyl maýsym aıynda Astana halyqaralyq forýmy aıasynda qol qoıylǵan jobanyń jol kartasynda belgilengen is-sharalardyń sátti júzege asyrylyp jatqanyn atap ótti.
Búginde tarıf kelisilip, merdigerlermen elektr qýatyn taratý shemasyn ázirleýge jáne jel dińgekterin ornatýǵa kelisim-shart jasalyp, izdestirý jumystaryn júrgizý úshin jer telimin bólý týraly ákimdiktiń qaýlysy alyndy.
