«Samuryq-Qazyna» qory qyzmetine memlekettik aýdıt júrip jatyr

ASTANA. KAZINFORM – Memlekettik aýdıt nátıjesi maýsymnyń sońynda shyǵady. Bul týraly qordyń basqarma tóraǵasy Nurlan Jaqypov málim etti.

- Iá, qazir Joǵary aýdıtorlyq palata Samuryq-Qazyna qorynyń qyzmetine memlekettik aýdıt júrgizip jatyr. Bul jumys maýsymnyń sońynda aıaqtalady. Nátıjesin Joǵary aýdıtorlyq palata Úkimet pen Parlamentke joldaıdy, - dep qysqa qaıyrdy Nurlan Jaqypov qorda ótken brıfıngide.

Sondaı-aq qor basshysy aýdıt nátıjesine qatysty qosymsha aqparat beriletinin málim etti.

Buǵan deıin qor basshysy Nurlan Jaqypov «Samuryq-Qazyna» jalpy ishki ónimniń 50-60 paıyzyn quraıdy degen aqparatty joqqa shyǵardy. 

Keshe ǵana Májilis depýtaty Ádil Jubanov Premer-mınıstrdiń atyna saýal joldap, «Samuryq-Qazyna» qory Qazaqstan ekonomıkasynyń draıveri emes, tejeýishi dep synaǵan edi.

Aıta keteıik, Úkimet basshysy Oljas Bektenov Samuryq-Qazynanyń otandyq óndirýshilerden taýar satyp alý kórsetkishin synady. 

Sondaı-aq «Samuryq-Qazyna» aktsıonerlik qoǵamy kúshine engen úkimet qaýlysynyń qordyń dıvıdent saıasatyna qalaı áser etetinin týraly túsinikteme berdi. 

Odan bólek «Samuryq-Qazyna» 177 mlrd teńgeniń taýary men qyzmetin sheteldik jetkizýshilerden «bir kózden» satyp alǵany týraly jazǵan edik.