«Samuryq-Qazyna» qandaı materıal quqyq qorǵaý organyna berilgenin jarııalaýdan bas tartty

ASTANA. KAZINFORM — «Samuryq-Qazyna» Joǵary aýdıtorlyq palata aýdıtynyń qorytyndysynda qandaı buzýshylyqtar boıynsha materıaldar quqyq qorǵaý organdaryna berilgenin jarııalaýdan bas tartty.

- Joǵary aýdıtorlyq palatanyń esebi «Qyzmettik paıdalaný úshin» belgisi bar qujat sanalady. Sebebi ol qupııa aqparatty qamtıdy jáne ony ashyq túrde taratýǵa bolmaıdy. Osyǵan baılanysty materıaldardy quqyq qorǵaý organdaryna berý týraly málimetterdi usyný qoldanystaǵy shekteýlerge baılanysty múmkin emes ekenin habarlaımyz, - dep atap ótti qordan agenttiktiń resmı saýalyna oraı.

Aıta keteıik, Joǵary aýdıtorlyq palata «Samuryq-Qazyna» AQ men enshiles uıymdarynda memlekettik aktıvterdiń paıdalanylý tıimdiligine aýdıt júrgizip, qorytyndysynda:

- 351,8 mln teńge kóleminde qarjylyq buzýshylyq,
- 122,2 mlrd teńgege tıimsiz josparlaý jáne qarajatty paıdalaný faktileri,
- 119 júıelik kemshilik tirkelgen.

Sonymen qatar birqatar materıal ákimshilik is qozǵaý úshin joldansa, al keıbir buzýshylyqtar boıynsha materıaldar quqyq qorǵaý organdaryna berilgen.