Samuryq-Qazyna elordadaǵy 6,5 myń qyzmetkeriniń 10 paıyzyn qysqartady

ASTANA. KAZINFORM — Samuryq-Qazyna qory elordadaǵy 6,5 myń qyzmetkeriniń 10 paıyzyn qysqartady. Bul týraly atalǵan qordyń basqarma tóraǵasy Nurlan Jaqypov aıtty. 

— Biz ákimshilik-basqarýshylyq qyzmetkerlerdi 10 paıyzǵa qysqartamyz. Barlyq korporatıvtik sheshim qabyldandy. Eńbek zańnamasyna sáıkes jumys istep jatyrmyz jáne naýryz aıynyń sońyna deıin bul sheshim tolyq júzege asyrylady dep oılaımyn, — dedi ol Aqordada.

Onyń aıtýynsha, Samuryq-Qazyna qorynyń Astanadaǵy qyzmetkerleriniń sany — 6,5 myń adam.

— Sondyqtan biz 650-deı adamdy qysqartamyz, — dep naqtylady Nurlan Jaqypov. 

Eske salsaq Prezıdent Úkimet pen «Samuryqtyń» jumysyn synaǵan edi. 

Aıta keteıik, «Samuryq-Qazynaǵa» úsh qalada JEO salý máselesin sheshý júktelgen edi.