«Samuryq-Qazyna» EAEO elderinen 76,2 mlrd teńgeniń taýary men qyzmetin satyp alǵan

ASTANA. KAZINFORM – «Samuryq-Qazyna» aktsıonerlik qoǵamy satyp alatyn ımporttyq taýarlarmen qyzmetterdiń 49 paıyzy Eýrazııalyq ekonomıkalyq odaq elderiniń kásiporyndaryna tıesili.  Bul taýarly qordyń Satyp alýlar ádisnamasy, baqylaý jáne monıtorıng departamentiniń dırektory Azamat Sembaı málim etti.

- 2024 jyly «Samuryq-Qazyna» toby sheteldik jetkizýshilermen jalpy somasy 155,6 mlrd teńgeniń shartyn jasasty. Bul barlyq satypalýlar kóleminiń 3%-y, - dedi ol.

Aıtýynsha, bul somanyń teń jartysyna jýyǵy EAEO elderine ketken.

- Atalǵan soma ishindegi 49%-y Eýrazııalyq ekonomıkalyq odaq elderinen kelgen jetkizýshilerdiń úlesine tıesili, - dedi departament dırektory.

Eske salsaq, 2024 jylǵy bıýdjettiń atqarylýyn talqylaýǵa arnalǵan otyrysta Májilis depýtaty Ádil Jubanov «Samuryq-Qazynaı aktsıonerlik qoǵamyn taratyp jiberýdi usynǵan bolatyn.