«Samuryq-Qazyna» bıýdjetke tıesili dıvıdentterdi tolyq tólemeı otyr — Nurlan Nurjanov

ASTANA. KAZINFORM — Joǵary aýdıtorlyq palata múshesi Nurlan Nurjanov «Samuryq-Qazyna» aktsıonerlik qoǵamynyń bıýdjetke dıvıdent tóleý saıasatyndaǵy quıtyrqylyqtardy atady.

— Kvazımemlekettik sektor bıýdjetke dıvıdentter retinde 980 mlrd teńge aýdarǵan. Bul 2023 jylmen salystyrǵanda 23 paıyz tómen. «Samuryq-Qazyna» aktsıonerlik qoǵamyna júrgizip jatqan aýdıttiń aldyn ala málimetteri boıynsha qordan jyl saıyn tólenetin dıvıdenttiń mólsheri júıe quraýshy kompanııalardan ǵana alynatynyn kórsetti. Sońǵy 5 jylda qor júıe quraýshylar tizbesine engizilmegen kompanııalardan dıvıdent retinde 347 mlrd teńge alǵan. Biraq ol dıvıdentter bıýdjettiń bólinisinen tys qalǵan, — dedi ol.

Nurlan Nurjanov «Samuryq-Qazyna» qory rentabeldiligi tómen jáne keleshegi mardymsyz ınvestıtsııalyq jobalardy iske asyrýǵa jol bergen dep esepteıdi.

— Sonyń saldarynan qordyń 126 mlrd teńgesi tıimsiz paıdalanylǵan, — dedi palata múshesi.

Sondaı-aq, ol Úkimet byltyr bıýdjettiń shyǵys bóligin 13 ret ózgertkenin atap ótti.