«Samuryq-Qazyna» bıýdjetke az qarajat aýdardy dep syn aıtqan depýtatqa jaýap berdi

«Samuryq-Qazyna» ulttyq ál-aýqat qorynyń Ekonomıka jáne qarjy jónindegi teń basqarýshy dırektory Mırat Ótepov Májilis depýtaty Marhabat Jaıymbetovtiń synyna jaýap berdi, dep habarlaıdy Kazinform.

«Kvazımemlekettik uıymdar taza kirisiniń 70 paıyzy kóleminde aqsha bólý kerek degen qaýly bar. Biraq onyń qorǵa qatysy joq. Qordyń tikeleı aktsıoneri – QR Úkimeti. Sondyqtan túsken taza tabys dıvıdend saıasaty arqyly aktsıonerge joldanady. Ol taza paıdadan emes, qordyń bas keńsesine portfeldik kompanııalardan kelip túsken dıvıdendterdiń jartysynan tólenedi. Sandar keltirsem: máselen, biz ótken jyly 500 mlrd teńge dıvıdend jınasaq, sonyń 250 mlrd teńgesin Úkimetke tóleýimiz qajet. Al byltyr biz (Samuryq-Qazyna qory - avt.) 250 mlrd emes, 302 mlrd teńge dıvıdend tóledik. ıAǵnı 50 paıyzdyń ornyna 62 paıyz tóledik. Osylaısha, qor bekitilgen dıvıdend saıasatyn artyǵymen oryndady», - dedi baspasóz máslıhatynda Kazinform tilshisiniń saýalyna jaýap bergen Mırat Ótepov.

Eske salaıyq, taıaýda Májilis depýtaty Marhabat Jaıymbetov «Samuryq-Qazyna» ulttyq ál-aýqat qorynyń memleketke aýdaratyn qarajaty tym az ekenin málimdep, depýtattyq saýal joldaǵan edi.

«2022 jyly «Samuryq-Qazyna» ulttyq ál-aýqat qory memleketke beriletin paıdanyń 70 paıyzynyń ornyna tek 10 paıyzyn ǵana tólegen. Naqtyraq toqtalsaq, 1 trıllıon 629 mlrd teńge taza tabystyń 170 mlrd teńgesin qaıtaryp otyr. Al tapsyrma boıynsha, bıýdjetke 1 trıllıon 140 mlrd teńge qaıtarý qajet edi. ıAǵnı, 970 mlrd teńge memleket qazynasyna aýdarylmaǵan», - dedi Marhabat Jaıymbetov óz saýalynda.