«Samuryq-Qazyna» basshysy: «Air Astana» IPO-sy óte sátti ótti

ASTANA. KAZINFORM – «Samuryq-Qazyna» AQ basqarma tóraǵasy Nurlan Jaqypov «Air Astana-nyń» IPO-syna qatysty pikirin bildirdi.

— Meniń oıymsha, «Air Astana-nyń» IPO-sy óte sátti ótti. Bul — jyl basynan bergi London qor bırjasynda ótken eń iri IPO. Air Astana aktsııalaryna suranys usynystan úsh ese kóp boldy. Shamamen 370 mln AQSh dollary tartyldy. Bul óte sátti keıs dep sanaımyn, óıtkeni 2001 jyly Air Astana qurylǵan kezde «Samuryq-Qazyna» men BEA Systems árqaısysy 8,5 mln AQSh dollarynan ınvestıtsııa quıǵan edi. Al 2024 jyldyń aqpanyndaǵy IPO kezinde halyqaralyq ınvestorlar kompanııany shamamen 900 mln AQSh dollaryna baǵalady. ıAǵnı, ósim 50 ese artty. Bul aktıvterimizdi tıimdi basqaryp, olardyń qosymsha qosylǵan qunyn arttyra alatynymyzdyń dáleli, - dedi ol. 

Qor basshysynyń aıtýynsha, 9 aıdyń qorytyndysy boıynsha Air Astana qyzmetiniń negizgi kórsetkishteri ótken jyldyń osy kezeńimen salystyrǵanda joǵary bolǵan. 

— Tasymaldanǵan jolaýshylar sany, EBITDAR jáne basqa da kórsetkishter ótken jyldyń sáıkes kezeńimen salystyrǵanda 11 paıyz joǵarylady. 2024 jyldyń 9 aıynyń qorytyndysy boıynsha EBITDAR Margin kórsetkishi 28 paıyzdy qurady. Bul Singapore Airlines, British Airways, Turkish Airlines sekildi kompanııalardyń kórsetkishinen de joǵary, - dedi Nurlan Jaqypov.

Buǵan deıin «Samuryq-Qazyna» AQ bıyl memleketke qansha dıvıdend tólegenin jazǵan edik.

«Samuryq-Qazyna» qory qandaı jobalardy iske asyryp jatqany aıtyldy.